Bronsverðlaun innsigluð með stæl

Ísland og Írland átt­ust við í síðustu um­ferð 2. deild­ar heims­meist­ara­móts karla í ís­hokkí í Sportova - höll­inni í Za­greb klukk­an 14:30 að ís­lensk­um tíma. Íslend­ing­ar burstuðu Írana 14:0 en staðan var orðin 3:0 eft­ir þriggja mín­útna leik. Með sigr­in­um tryggði Ísland sér 3. sætið en liðið vann þrjá leiki og tapaði tveim­ur. Fylgst var með gangi mála hér á mbl.is.

Mörk Íslands: Andri Mika­els­son 3, Eg­ill Þormóðsson 2, Gauti Þormóðsson 2, Emil Al­engård, Birk­ir Árna­son,  Matth­ías Máni Sig­urðar­son, Ólaf­ur Hrafn Björns­son, Ingólf­ur Elías­son, Sig­urður Sig­urðsson og Daniel Aedel.

Stoðsend­ing­ar: Jón Bene­dikt Gísla­son 4, Emil Al­engård 3, Eg­ill Þormóðsson 3, Stefán Hrafns­son 2, Birk­ir Árna­son 2, Robin Hed­ström 2, Brynj­ar Þórðar­son 1, Björn Jak­obs­son 1, Pét­ur Maack 1, Ró­bert Páls­son 1, Ingvar Þór Jóns­son 1, Andri Mika­els­son 1, Matth­ías Máni Sig­urðar­son 1, Ólaf­ur Hrafn Björns­son 1.

Maður leiks­ins hjá Íslandi: Andri Mika­els­son.

60. mín: Leik lokið með stór­sigri Íslands 14:0 og bronsverðlaun­in inn­sigluð með stæl. Ekki þarf að velta því fyr­ir sér hvort um ís­lenskt met sé að ræða því stærsti sig­ur ís­hok­kí­landsliðsins er mun stærri og leit dags­ins ljós í 3. deild fyr­ir nokkr­um árum.

59. mín: Mark! Staðan er 14:0 fyr­ir Ísland. Ólaf­ur Hrafn Björns­son gaf stoðsend­ingu á Daniel Aedel sem þrumaði pökkn­um í netið frá bláu lín­unni og skoraði fyrsta mark sitt í keppn­inni. 

55. mín: Mark! Staðan er 13:0 fyr­ir Ísland. Ald­urs­for­set­inn Sig­urður Sveinn Sig­urðsson er bú­inn að skora sitt fyrsta mark í keppn­inni eft­ir und­ir­bún­ing frá Matth­íasi Mána Sig­urðar­syni og Stefáni Hrafns­syni.

53. mín: Mark! Staðan er 12:0 fyr­ir Ísland. Gauti Þormóðsson skoraði fyrsta mark Íslands í síðasta leik­hlut­an­um og sitt annað í leikn­um. Markið kom eft­ir frá­bæra rispu frá Emil Al­engård en maður hef­ur á til­finn­ing­unni að hann geti splundrað vörn Írlands þegar hon­um hent­ar.

49. mín: Staðan er 11:0 fyr­ir Ísland. Eg­ill Þormóðsson lét írska markvörðinn verja frá sér víti sem dæmt var eft­ir að Eg­ill var rænd­ur dauðafæri eft­ir frá­bær­an und­ir­bún­ing Em­ils.

40. mín: Staðan er 11:0 fyr­ir Ísland að lokn­um öðrum leik­hluta. Íslend­ing­ar ætla sér greini­lega að landa bronsverðlaun­un­um með stæl. 

40. mín: Mark! Staðan er 11:0 fyr­ir Ísland. Írar misstu mann af svelli og hinn 17 ára gamli varn­ar­maður Ingólf­ur Elías­son þrumaði pökkn­um í netið hjá Írum eft­ir að Andri Mika­els­son hitti ekki pökk­inn eft­ir send­ingu frá Jóni B. Gísla­syni. 

36. mín: Mark! Staðan er 10:0 fyr­ir Ísland. Andri Mika­els­son er bú­inn að koma Íslandi í tveggja stafa tölu og er kom­inn með þrennu. Robin Hed­ström gaf á Jón B. Gísla­son sem kom pökkn­um út á Andra sem skaut í gegn­um klofið á markverðinum.

27. mín: Mark! Staðan er 9:0 fyr­ir Ísland. Gauti Þormóðsson er kom­inn á blað og skoraði sitt fyrsta mark í mót­inu.  Fékk pökk­inn fyr­ir aft­an markið og lék fram fyr­ir markið og laumaði pökkn­um í netið. Eg­ill Þormóðsson og Birk­ir Árna­son áttu stoðsend­ing­arn­ar.

24. mín: Mark! Staðan er 8:0. Íslend­ing­ar voru manni fleiri og skoruðu. Eg­ill Þormóðsson skoraði en stoðsend­ing­ar áttu Emil Al­engård og fyr­irliðinn Ingvar Þór Jóns­son.

23. mín: Mark! Staðan er 7:0 fyr­ir Ísland. Andri Mika­els­son skoraði sitt annað mark í leikn­um eft­ir und­ir­bún­ing Ró­berts Páls­son­ar og Jóns B. Gísla­son­ar.

20. mín: Staðan er 6:0 fyr­ir Ísland að lokn­um fyrsta leik­hluta. Þetta gæti orðið lang­ur dag­ur hjá Írun­um eins og sum­ir aðrir hjá þeim hér í Za­greb. 

19. mín: Mark! Staðan er 6:0 fyr­ir Ísland.  Ólaf­ur Hrafn Björns­son skoraði af stuttu færi eft­ir und­ir­bún­ing Pét­urs Maack og Birk­is Árna­son­ar. Markvörður Íra virt­ist hafa ráðið við skotið en pökk­ur­inn lak und­ir hansk­ann og inn fyr­ir marklín­una.

16. mín: Mark! Staðan er 5:0 fyr­ir Ísland. Eft­ir skynd­isókn skoraði Matth­ías Máni Sig­urðar­son eft­ir stoðsend­ingu frá Stefáni Hrafns­syni. Fyrsta mark Matth­ías­ar í mót­inu.

14. mín: Mark! Staðan er 4:0 fyr­ir Ísland. Emil Al­engård fékk pökk­inn frá Birni Jak­obs­syni og skapaði usla í vörn Íra en fá hon­um barst pökk­ur­inn á opið svæði fyr­ir miðju marki og þar kom Eg­ill Þormóðsson á ferðinni og skoraði með föstu skoti. Eg­ill hef­ur þá skorað fimm mörk í mót­inu og í þrem­ur leikj­um í röð.

3. mín: Mark! Staðan er 3:0 fyr­ir Ísland. Írar misstu mann í refs­ingu og þá var ekki að sök­um að spyrja. Brynj­ar Þórðar­son fékk pökk­inn frá Jóni Bene­dikt Gísla­syni og gaf fyr­ir markið á Andra Mika­els­son sem skoraði af stuttu færi sitt annað mark í mót­inu.

2. mín: Mark! Staðan er 2:0 fyr­ir Ísland. Varn­ar­maður­inn Birk­ir Árna­son er kom­inn á blað í marka­skor­un og staðan orðin 2:0 eft­ir rúma mín­útu. Eg­ill Þormóðsson og Robin Hed­ström fengu skráðar á sig stoðsend­ing­ar en Birk­ir fékk frá­kastið eft­ir skot Robins og skoraði auðveld­lega. Mér sýn­ist að strák­arn­ir ætli að láta mig hafa fyr­ir hlut­un­um í þess­ari síðustu lýs­ingu frá Króa­tíu.

1. mín: Mark! Staðan er 1:0 fyr­ir Ísland. Emil Al­engård var ekki nema 12 sek­únd­ur að skora! Emil fékk bolt­ann frá Agli Þormóðssyni, lék á varn­ar­mann og þrumaði pökkn­um neðst í fjær­hornið. Ekki hef ég orðið var við að nokk­ur leikmaður hafi verið sneggri að skora í mót­inu en Rúm­en­ar voru 25 sek­únd­ur að skora á móti Írum en Króat­ar um 3 mín­út­ur.

Írland hef­ur tapað öll­um fjór­um leikj­um sín­um og er liðið þegar fallið. Sig­ur á móti Íslandi get­ur ekki bjargað þeim því þá eru þeir með jafn mörg stig og Búlga­ría en falla á inn­byrðisviður­eign. Búlga­ría tapaði fyr­ir Kína fyrr í dag 6:12 en í kvöld eig­ast við Króatía og Rúm­en­ía í úr­slita­leik um hvort liðið fer upp í 1. deild.