Blatter kallaður fyrir siðanefnd FIFA

Alþjóðaknattspyrnusambandið, FIFA, hefur tilkynnt, að hafin sé rannsókn á því hvort Sepp Blatter, forseti sambandsins, hafi brotið siðareglur sambandsins. Þarf Blatter að skila skýrslu um málið á morgun og koma fyrir siðanefnd FIFA á sunnudag.

Blatter er sakaður um að hafa horft framhjá ásökunum um að fulltrúar Karíbahafseyja í framkvæmdastjórn FIFA hafi tekið við mútugreiðslum í tengslum við atkvæðagreiðslu um hvar næstu heimsmeistaramót í knattspyrnu verði haldin.

Áður hefur Mohamed bin Hammam, sem er í framboði gegn Blatter í forsetakjöri FIFA í næstu viku, verið boðaður á fund siðanefndar FIFA á sunnudag vegna ásakana um spillingu.

Er nú óljóst hvort forsetakjörið, sem fyrirhugað er á miðvikudag, fer fram.   

• 1 blogg um fréttina

Bloggað um fréttina

• Gísli Foster Hjartarson: Spillt batterí