Lést eftir slys í skíðabrekkum Sviss

Kanadíski skíðamaðurinn Nick Zoricic lést í keppni í heimsbikarnum í dag en mótið fór fram í Sviss. Zoricic féll í brekkunni í síðasta stökkinu í brautinni og hafnaði fyrir utan hana og endaði á öryggisneti.

Hann fékk alvarlega höfuðáverka og var fluttur með þyrlu á sjúkrahús þar sem hann var úrskurðaður látinn. Zoricic var 29 ára og hafði verið í meira en þrjú ár þátttakandi í heimsbikarnum.

Nick Zoricici er annar skíðamaðurinn sem Kanada þarf að sjá á eftir á þessu ári en Sarah Burke lést í janúar. Hún var þá við æfingar.   

Þessi mynd af Nick Zoricic er ekki frá því í dag heldur úr safni. AP

• 1 blogg um fréttina

Bloggað um fréttina

• Ómar Ragnarsson: Hvenær verður hraðinn of mikill ?