Donald Sterling „biðst afsökunar“

„Ég veit ekki hvers vegna þessi stelpa fékk mig til að segja þessa hluti,“ sagði Don­ald Sterl­ing í viðtali við CNN í gær, en hann sagðist vera þangað kom­inn til þess að biðjast af­sök­un­ar á rasísk­um um­mæl­um.

Sterl­ing var um mánaðamót­in dæmd­ur í ævi­langt bann frá öllu tengdu NBA-deild­inni í körfu­bolta í Banda­ríkj­un­um vegna kynþátt­aníðs. Hann var jafn­framt sektaður um 2,5 millj­ón­ir dala og í kjöl­farið þvingaður til að selja körfu­boltalið sitt, Los Ang­eles Clip­p­ers.

Viðtalið við CNN í gær er það fyrsta þar sem hann tjá­ir sig op­in­ber­lega um málið síðan. „Ég er ekki ras­isti. Ég gerði hræðileg mis­tök. Ég er hingað kom­inn til að biðjast af­sök­un­ar,“ sagði Sterl­ing í viðtali við CNN í gær. Það var í fyrsta sinn sem hann tjáði sig op­in­ber­lega um málið.

Um­mæl­in al­ræmdu sem urðu hon­um að falli voru hljóðrituð og birt á slúðursíðunni TMZ. „Það fer mikið í taug­arn­ar á mér að þú skul­ir sýna það ít­rekað í sjón­varp­inu að þú eig­ir í slag­togi við svart fólk. Get­ur þú ekki kom­ist hjá því?“ sagði hann við kær­ustu sína, V Sti­viano, eft­ir að hún birti mynd­ir af sér á net­inu með vin­um sín­um.

Í viðtal­inu við CNN hélt Sterl­ing því fram að hann hefði verið blekkt­ur til að láta þessi um­mæli falla gegn betri vit­und. „Þegar ég hlusta á þessa upp­töku þá skil ég ekki einu sinni hvernig ég gat sagt neitt þessu líkt. Ég veit ekki hvers vegna þessi stelpa fékk mig til að segja þetta.“

Sterl­ing, sem er 81 árs, sagðist vera góður eig­andi körfu­boltaliðsins og að hann teldi margra ára góða hegðun eiga að vega á móti ein­um mis­tök­um. 

Þess má geta að fyr­ir helgi var ann­arri upp­töku lekið með nýj­um um­mæl­um Sterl­ings, þar sem hann sagði í sím­tali við vin sinn að hann hefði látið um­mæl­in falla til þess að fá Sti­viano til að sofa hjá sér. 

Sjá nán­ar á vef CNN

• 1 blogg um frétt­ina

Bloggað um frétt­ina

• Ólaf­ur Ragn­ars­son: "Mér finnst satt að segja"