Ari Bragi með nýtt Íslandsmet

Spretthlauparinn Ari Bragi Kárason úr FH setti í dag nýtt Íslandsmet í 100 metra hlaupi karla á spretthlaupsmóti FH þegar hann hljóp á 10,52 sekúndum við kjöraðstæður í Kaplakrika en vindur var +2,0, eða nákvæmlega það sem hann má mest vera.

Með þessu hlaupi slær Ari Bragi út Íslandsmet Jóns Arnars Magnússonar, 10,56 sekúndur á rafmagnstíma frá 1997.

Tíminn er einnig betri en besti skráði „handtími“ Hilmars Þorbjörnssonar frá 1957, Vilmundar Vilhjálmssonar frá 1977 og Jóns Arnars Magnússonar frá 1996 en þeir hlupu allir á 10,3 sekúndum en sá tími jafngildir 10,54 s samkvæmt reiknireglu. 

Félagarnir úr FH eftir hlaupið í dag. Ljósmynd/FH

• 1 blogg um fréttina

Bloggað um fréttina

• Ómar Ragnarsson: Elsta Íslandsmetið loksins fallið , naumlega þó.