Jafet fékk Bensabikarinn til eignar
Setja bókamerki
Jafet Örn Þorsteinsson úr HFK vann Bensabikarinn til eignar á Íslandsmótinu í ólympískum hnefaleikum sem lauk í Mjölniskastalanum í Öskjuhlíð í kvöld.
Jafet varð Íslandsmeistari í -75 kg flokki og var um leið valinn hnefaleikamaður mótsins þriðja árið í röð. Þar með vann hann umræddan bikar til eignar. Í úrslitaviðureign vann hann Arnór Má Grímsson úr HFH á klofinni ákvörðun dómara.
Sólon Ísfeld úr Æsi og Bjarni Þór Benediktsson úr HAK fengu sérstaka viðurkenningu fyrir tæknilegustu viðureignina á mótinu. Það var úrslitaleikurinn í -64 kg flokki ungmenna þar sem Bjarni sigraði á klofinni ákvörðun dómara.
Kristján Kristjánsson úr HFK sigraði Rúnar Svavarsson úr HFK í úrslitum í -91 kg flokki karla.
Tómas E. Ólafsson úr Æsi sigraði Almar Ögmundsson úr HFA í úrslitum í -81 kg flokki karla.
Ásgrímur Egilsson úr HFK sigraði Sævar Inga Rúnarsson úr HFA í úrsitum í -69 kg flokki karla.
Þórður Bjarkar úr HFK sigraði Pawel Vscilowski úr HR í úrslitum í -64 kg flokki karla.
Margrét G. Svavarsdóttir úr HFR sigraði Sigríði B. Bjarnadóttur úr HFA í úrslitum í -75 kg flokki kvenna.
Margrét Á. Þorsteinsdóttir úr Æsi sigraði Köru Guðmundsdóttur úr Æsi í úrslitum í -69 kg flokki kvenna.
Emin Kadri úr HFK sigraði Þórarin S. Þórðarson úr Æsi í úrslitum í -63 kg flokki unglinga.
Kennir að vera Íslendingur í þúsundasta skipti
Skipulagði aðgerðir fyrir Ólympíuleikana
Segir afsökun Microsoft lélega
Mönnun lögreglu líður fyrir mótmæli
„Þú ert bara orðin miðaldra kona“
Myndband: Hnúfubakar komu fjölskyldu á bát á óvart
Engin tengsl virðast vera á milli drengjanna