Eistar of sterkir fyrir Íslendinga

Íslenska karlalandsliðið í íshokkí er úr leik í undankeppni Vetrarólympíuleikanna 2026 eftir 6:0-tap gegn Eistlandi í Skautahöllinni í Laugardal í kvöld.

Bæði lið höfðu unnið Búlgaríu og Suður-Afríku í tveimur fyrstu leikjunum og var leikurinn í kvöld því úrslitaleikur um að komast úr öðru stigi og á þriðja stig keppninnar.

Eistneska liðið byrjaði með látum því Robert Arrak skoraði fyrsta markið eftir tæpa mínútu. Hann gerði sitt annað mark og þriðja mark Eistlands á 10. mínútu og þess á milli skoraði Nikita Fedorovits annað mark Eistlands.

Var staðan eftir fyrstu lotuna því 3:0. Rétt eins og í fyrstu lotunni skoraði Eistland á fyrstu mínútu í annarri lotu og það gerði Lauri Lahesalu.

Arrak gerði svo fimmta mark Eistlands og þriðja markið sitt á 29. mínútu og var staðan fyrir þriðju og síðustu lotuna 5:0 og verkefnið vægast sagt ærið fyrir Ísland.

Í þriðju lotu var Arrak enn einu sinni á ferðinni er hann skoraði sitt fjórða mark og sjötta mark Eistlands á 45. mínútu.

Eftir þetta sjötta mark róaðist leikurinn nokkuð og niður og niðurstaðan að lokum öruggur sex marka sigur Eistlands.

Eistar fara því á þriðja stig keppninnar en Ísland er úr leik.

Mbl.is fylgdist með gangi mála í beinni textalýsingu og þá mátti einnig sjá leikinn í beinni útsendingu hér fyrir neðan. 

Eistland	6:0	Ísland	Opna lýsingu Loka
60. mín. Textalýsing Ísland reynir að ná inn einu marki en Koitmaa er vel á verði og ver tvisvar.
Augnablik — sæki gögn...

• 1 blogg um fréttina

Bloggað um fréttina

• Jóhann Elíasson: ÍSLENDINGAR LEIKA SÉR EKKERT AÐ EISTUNUM..........