">
Birgir Leifur Hafþórsson atvinnukylfingur úr GKG er mættur á Aloha-golfvöllinn á Spáni þar sem að næsta mót á Evrópumótaröðinni hefst á fimmtudaginn. Birgir náði besta árangri sínum frá upphafi á opna ítalska meistaramótinu um liðna helgi þar sem hann endaði í 11.-13. sæti á 13 höggum undir pari vallar. Aðeins þremur höggum á eftir sigurvegara mótsins. Birgir segir á bloggsíðu sinni að ferðalagið frá Lúxemborg hafi gengið ágætlega þrátt fyrir næturbrölt og eftirminnilega bílferð frá flugvellinum í Jerez.
Keppnisvöllurinn er þröngur og mikið landslag er í flötunum að sögn Birgis og býst hann við því að skor keppenda á mótinu verði lágt.
Margir þekktir kylfingar verða með á mótinu og má þar nefna Lee Westwood frá Englandi, Thomas Björn frá Danmörku, Írann Paul McGinley, Jeev Milkha Singh frá Indlandi og Gonzalo Fdez -Castano frá Spáni sem sigraði á opna ítalska meistaramótinu s.l. sunnudag.
Setja bókamerki
Í kappi við tímann að reyna að afstýra verkfalli
Dómur þyngdur um þrjú ár
Vegirnir voru eins og borðstofuborð
Ekki vandamál að vera karlmaður
Ása Ellerup flutt út og ætlar að selja húsið
50 milljónir eiga að minnka svindl um 1 milljarð
Varnargarðar hækkaðir um 3 til 4 metra
Vika í kosningar: Þetta segja kannanir