Birgir Leifur Hafþórsson lék á einu höggi undir pari á fyrsta keppnisdegi á BA-CA-meistaramótinu sem fram fer í Austurríki, eða 70 höggum. Mótið er hluti af Evrópumótaröðinni. Birgir hóf leik á 10. teig í morgun og fékk hann 11 pör í röð, skolla á 8. og 12. braut, fugla á 3., 6. og 9. braut. Hann er í 44. - 64. sæti.
Enski kylfingurinn Greame Storm er efstur þessa stundina en hann jafnaði vallarmetið á Fontana vellinum er hann lék á 63 höggum eða 8 höggum undir pari vallar. Hann deilir vallarmetinu með þeim Richard Green og Gregory Havret sem þeir settu í fyrra. Martin Erlandsson frá Svíþjóð lék á 7 höggum undir pari í dag. Patrik Sjöland frá Svíþjóð og Englendingurinn Tom Whitehouse léku á 65 höggum en Sjöland er í ráshóp með Birgi.
Darren Clarke frá N-Írlandi lék á 73 höggum í dag eða tveimur höggum yfir pari og er hann í 101.-116. sæti líkt og Colin Montgomerie frá Skotlandi.
Setja bókamerki
Dómur þyngdur um þrjú ár
Hraun kemur úr þremur gígum: Virknin stöðug
Hótar Bretum og Bandaríkjamönnum
Fullvissa ferðamenn um að hér sé öruggt
Reiðubúin að aflýsa verkföllum í fjórum leikskólum
Rússar sagðir útvega N-Kóreu milljón olíutunnur
Hópur fólks reyndi að komast að eldgosinu