Björgvin Sigurbergsson fagnaði sigri á Íslandsmeistaramótinu í höggleik í golfi í dag á heimavelli sínum í Hafnarfirði en þetta er í fjórða sinn sem Björgvin er Íslandsmeistari í golfi. Það eru sjö ár síðan Björgvin vann titilinn síðast en hann varði titilinn árið 2000 en hann varð Íslandsmeistari í fyrsta sinn árið 1995. Björgvin lék lokahringinn á einu höggi yfir pari eða 72 höggum og var hann einu höggi betri en Örn Ævar Hjartarson úr GS sem endaði í öðru sæti á 2 höggum yfir pari vallar. Ólafur Már Sigurðsson úr Keili varð þriðji á 4 höggum yfir pari samtals. Ólafur fékk hinsvegar frávísun fyrir að skrifa undir rangt skor að loknum þriðja keppnisdegi. Hlynur Geir Hjartarson úr GK endaði því í þriðja sæti á 6 höggum yfir pari vallar.

„Það er virkilega gaman að vinna titilinn aftur á heimavelli. Þetta var bara þrælgaman og fuglinn sem ég fékk á 17. braut með því að vippa boltanum ofaní var frábær,“ sagði Björgvin m.a. í sjónvarpsviðtali við SÝN eftir að hann hafði tryggt sér sigurinn. Björgvin lék síðustu holuna á skolla og tók hann enga áhættu í innáhögginu. „Ég var að velta því fyrir mér að slá of stutt fyrir framan tjörnina með 5-járni en ég ákvað fara alla leið inná með 4-járninu og það tókst.“

Ítarleg umfjöllun um Íslandsmótið í golfi verður á íþróttasíðum Morgunblaðsins á morgun.

Lokastaðan í karlaflokki.

Ólafur Már Sigurðsson. Sigurður Elvar

Tengdar fréttir

Golf: Íslenska mótaröðin

„Undirritun skjalsins var breytt“

• Íslandsmótið í höggleik í Vestmannaeyjum
• Golfklúbbur Reykjavíkur tekur að sér rekstur Garðavallar
• Ólafur og Heiða slá lengst allra á Íslandi
• Heiðar í 33. sæti eftir fyrsta hringinn í Skandeborg

» Fleiri tengdar fréttir

• 1 blogg um fréttina

Bloggað um fréttina

• Magnús Geir Guðmundsson: Óvænt! - En þó ekki!