Woods fékk 1,25 milljarða

Bandaríski kylfingurinn Phil Mickelson vann síðasta mótið í FedEx bikarkeppninni, sem lauk í Atlanta í kvöld. Landi hans Tiger Woods varð í 2. sæti og tryggði sér þar með sigur í stigakeppni mótanna og 10 milljóna dala verðlaunafé, jafnvirði 1,25 milljarða króna.

Mickelson lék síðasta hringinn á lokamóti FedEx í Atlanta í kvöld á 65 höggum undir pari og lauk keppni á 271 höggi, 9 höggum undir pari. Er þetta fyrsti sigur Mickelsons frá því kona hans og móðir greindust báðar með brjóstakrabbamein í byrjun ársins.

Woods lék á 70 höggum í dag og á 274 höggum alls sem nægði í 2. sætið og til sigurs í stigakeppni FedEx mótanna. 

Tiger Woods slær úr sandgryfju við 9. flöt. Reuters

• 1 blogg um fréttina

Bloggað um fréttina

• Gunnar Th. Gunnarsson: Sjúkraþjálfari á golfvellinum