Aftur lék Tiger Woods á 67 höggum

Tiger Woods er í 3. sæti á samtals sex höggum undir pari þegar annar dagurinn á Opna breska meistaramótinu í golfi er langt kominn. Brandt Snedeker er efstur á tíu undir pari og Adam Scott er höggi á eftir. 

Scott og Woods voru báðir á 67 höggum í dag eða þremur undir pari en Snedeker var á 64 höggum og jafnaði vallarmetið. 

Paul Lawrie, Matt Kuchar og Graeme McDowell eru allir á fjórum undir pari samtals og hafa allir lokið leik í dag.

Niðurskurðarlínan virðist ætla að vera þrjú högg yfir par. Þeir sem eru á því skora fá væntanlega að halda leik áfram um helgina ef fram heldur sem horfir. 

• 1 blogg um fréttina

Bloggað um fréttina

• Haraldur Haraldsson: Aftur lék Tiger Woods á 67 höggum/Snillingurin að ná sér …