Stefnt að einföldun á golfreglum

Til­lög­ur að reglu­breyt­ing­um hafa verið lagðar fram hjá R&A í Skotlandi og USGA í Banda­ríkj­un­um. Stefnt er að því að breyt­ing­arn­ar taki gildi í árs­byrj­un 2019.

Marg­ar áhuga­verðar til­lög­ur eru að finna á þess­um lista -og flest­ar miða að því að ein­falda hlut­ina fyr­ir kylf­inga. Þetta kem­ur fram á golf.is

Helstu hug­mynd­ir um breyt­ing­ar eru eft­ir­far­andi: 

• Bolti hreyf­ist við leit. Ef bolti hreyf­ist við leit að hon­um er það víta­laust og bolt­inn er lagður aft­ur á fyrri stað. Ef sá staður er ekki þekkt­ur er bolt­inn lagður á áætlaðan stað.
• Bolti hreyf­ist á flöt. Ef leikmaður veld­ur því af slysni að bolti hreyf­ist á flöt er það víta­laust og bolt­inn er lagður aft­ur á fyrri stað. Þessi regla hef­ur þegar verið inn­leidd á þann hátt að klúbb­ar og móts­stjórn­ir geta sett staðarreglu í þessa veru.
• Viðmið við ákvörðun um ástæðu þess að bolti hreyfðist. Í nú­ver­andi regl­um telst leikmaður hafa valdið hreyf­ingu bolta ef meiri lík­ur en minni eru á að hann hafi valdið hreyf­ing­unni. Lagt er til að leikmaður telj­ist hafa valdið hreyf­ing­unni er það er vitað eða nán­ast ör­uggt að hann hafi valdið hreyf­ing­unni (a.m.k. 95% vissa).
• Bolti óvart sveigður úr leið. Ef bolti lend­ir óvart í leik­mann­in­um, út­búnaði hans, kylfu­bera, ein­hverj­um sem gæt­ir flaggstang­ar­inn­ar fyr­ir leik­mann­inn eða í flagg­stöng­inni er það víta­laust.
• Bolti lát­inn falla. Ekki þarf leng­ur að láta bolt­ann falla úr axl­ar­hæð, eina skil­yrðið er að bolt­an­um sé haldið á lofti og að hann snerti ekki gras eða ann­an gróður þegar hann er lát­inn falla.
• Af­mörk­un svæðis þar sem láta á bolta falla. Í stað einn­ar eða tveggja kylfu­lengda er miðað við 20 og 80 tomm­ur.
• Leit­ar­tími. Leit­ar­tími stytt­ist úr 5 mín­út­um í 3 mín­út­ur.
• Sokk­inn bolti. Lausn er veitt frá sokkn­um bolta hvar sem er nema í sandi.
• Skipt um bolta. Skipta má um bolta hvenær sem tekið er víti eða frí­lausn, t.d. frá óhreyf­an­leg­um hindr­un­um.
• Púttað í flagg­stöng­ina. Það er víta­laust þótt púttað sé af flöt­inni og bolt­inn hitt­ir flagg­stöng­ina í hol­unni.
• Skemmd­ir á flöt­um. Í stað þess að ein­ung­is megi lag­færa bolta­för og gamla holutappa á flöt­um má lag­færa svo til all­ar skemmd­ir, s.s. takk­för.
• Að snerta pútt­lín­una. Það er víta­laust þótt leikmaður snerti pútt­lín­una, svo framar­lega sem það bæti ekki aðstæður fyr­ir næsta högg.
• Bolti hreyf­ist eft­ir að hon­um hef­ur verið lyft og hann lagður aft­ur. Ef bolti hreyf­ist eft­ir að lega hans hef­ur verið merkt, hon­um lyft og hann lagður aft­ur á alltaf að leggja hann aft­ur á fyrri stað, jafn­vel þótt hann hafi fokið.
• Kylfu­beri merk­ir og lyft­ir bolta á flöt. Ekki er leng­ur víti þótt kylfu­beri merk­ir og lyft­ir bolta leik­manns­ins á flöt, án sér­stakra fyr­ir­mæla leik­manns­ins.
• Víta­svæði. Móts­stjórn­ir mega merkja hvaða svæði sem er sem “víta­svæði” með gul­um eða rauðum stik­um, svo sem skóg, hraun o.s.frv.
• Lausn “hinum meg­in” í rauðmerkt­um svæðum. Ekki er leng­ur leyft að taka víti “hinum meg­in” við tor­fær­una í rauðmerkt­um svæðum, nema móts­stjórn setji staðarreglu í þá veru.
• Tak­mark­an­ir í “víta­svæðum”. Ekki er leng­ur bannað að snerta eða hreyfa lausung í “víta­svæðum”, s.s. vatns­tor­fær­um.
• Tak­mark­an­ir í glomp­um. Ekki er leng­ur bannað að snerta eða hreyfa lausung í glomp­um.
• Sand­ur snert­ur í „glompu“. Minni tak­mark­an­ir eru á því að hreyfa við sandi í „glompu“ þegar bolt­inn er í glomp­unni.
• Bolti dæmd­ur óslá­an­leg­ur í „glompu“. Ný regla leyf­ir leik­manni að taka víti upp úr „glompu“, gegn tveim­ur víta­högg­um.
• Skemmd­ar kylf­ur. Nota má kylf­ur sem hafa skemmst við leik, hvernig svo sem þær skemmd­ust.
• Fjar­lægðarmæl­ar. Ekki þarf leng­ur að setja staðarreglu til að leyfa notk­un fjar­lægðarmæla. Móts­stjórn get­ur á hinn bóg­inn bannað notk­un fjar­lægðarmæla, með staðarreglu.
• Nýtt leik­form. Kynnt er nýtt leik­form, „há­marks­skor“ þar sem sett er há­marks­skor á holu og leik­menn hætta leik á holu þegar því há­marki er náð.

  Hörður Geirs­son tók sam­an

• 2 blogg um frétt­ina

Bloggað um frétt­ina

• Ómar Ragn­ars­son: "Það þarf nú ekki mikið til, - þetta er ekki …
• Páll Vil­hjálms­son: Golf er deyj­andi íþrótt - gott fyr­ir nátt­úr­una