Stjarnan heldur sínu striki

Stjarnan er áfram í efsta sæti úrvalsdeildar kvenna, DHL-deildinni, eftir leiki kvöldsins þar sem liðið vann stórsigur á HK, 40:26, á heimavelli í Garðabæ eftir að hafa verið níu mörkum yfir í hálfleik, 20:11. Stjarnan er þar með komin með 30 stig að loknum 17 leikjum. Valur er í öðru sæti með 28 stig eftir níu marka sigur á ÍBV í Eyjum, 29:20 og Grótta heldur þriðja sætinu þar sem hún vann Fram, 16:27, í íþróttahúsi Fram. Nýkrýndir bikarmeistarar Hauka mættu sveitungum sínum í FH og náðu að vinna með tveggja marka mun, 31:29, eftir að hafa verið marki undir í hálfleik, 17:16.

• 1 blogg um fréttina

Bloggað um fréttina

• Ragnar Bjarnason: Nýr þjálfari hjá HK??