Klárt hverjir skipa 14 af 16 sætum

Nú er rétt inn­an við mánuður þar til flautað verður til leiks á Evr­ópu­mót­inu í hand­knatt­leik karla í Nor­egi. Á morg­un stend­ur til að til­kynna hvaða leik­menn Al­freð Gísla­son landsliðsþjálf­ari ætl­ar að velja til þátt­töku í mót­inu en til stend­ur að landsliðið komi sam­an í Dan­mörku 3. janú­ar hvar það tek­ur þátt í móti á Kaup­manna­hafn­ar­svæðinu 4., 5. og 6. janú­ar.

Þar verður leikið við Dani, Norðmenn og Pól­verja, allt hörku­hand­knatt­leiksþjóðir sem búa sig einnig und­ir Evr­ópu­mótið þar sem Dan­ir vinna. Eft­ir það leik­ur landsliðið vænt­an­lega við Tékka heima 12. og 13. janú­ar áður en haldið verður til Nor­egs þriðju­dag­inn 15. janú­ar.

Í Morg­un­blaðinu í dag er farið yfir stöðu mála, hverj­ir séu ör­ugg­ir með sæti í landsliðinu og hverj­ir séu að berj­ast um sæti í hópn­um sem fer til Nor­egs.