Íþróttir | Handbolti | mbl | 17.1.2008 | 20:55

Svíar tóku Íslendinga í kennslustund

Svíar reyna að stöðva Ólaf Stefánsson í leiknum í kvöld. AP

Svíar tóku Íslendinga í kennslustund á Evrópumeistaramótinu í handknattleik í kvöld í Noregi. Svíar náðu 10 marka forskoti um miðjan síðari hálfleik en Íslendingar náðu að minnka muninn niður í 5 mörk. Lokatölur 24:19. Staðan í hálfleik var 11:9 fyrir Svía.

Fylgst var með gangi mála í beinni textalýsingu hér á mbl.is.

Bein útsending.

Sóknarleikur íslenska liðsins var mjög slakur og það var fátt sem gekk upp. Lykilmenn liðsins voru langt frá sínu besta og það var mikið óöryggi í sókninni. Alfreð Gíslason þjálfari sagði fyrir leikinn að hann væri með leynivopn sem hann ætlaði að nota gegn Svíum. Það gekk ekki eftir.

Varnarleikur og markvarsla íslenska liðsins var í lagi í fyrri hálfleik.

Tomas Svensson markvörður Svía sem verður fertugur á þessu ári átti stórleik í markinu.

Ólafur Stefánsson skoraði 4 mörk fyrir Ísland en Kim Andersson skoraði 7 mörk fyrir Svía. Hreiðar Guðmundsson markvörður átti fínan leik á þeim stutta tíma sem hann fékk að spreyta sig undir lok leiksins.

Mörk Íslands:
Ólafur Stefánsson 4
Guðjón Valur Sigurðsson 4
Logi Geirsson 3
Snorri Steinn Guðjónsson 2
Róbert Gunnarsson 2
Ásgeir Örn Hallgrímsson 2
Einar Hólmgeirsson 1
Alexander Petersson 1

Mörk Svía:
Kim Andersson 7
Dalibor Doder 4
Jonas Larholm 3
Jonas Kellman 3
Martin Boquist 3
Marcus Ahlm 2
Robert Arrhenius 1
Johan Pettersson 1