EM: Stórsigur gegn Slóvakíu

Íslend­ing­ar lögðu Slóvaka, 28:22, á Evr­ópu­meist­ara­mót­inu í hand­knatt­leik í dag en staðan í hálfleik var 16:5 fyr­ir Ísland.  Leik­ur­inn var í beinni texta­lýs­ingu á mbl.is.

Bein texta­lýs­ing.

„Get­um ekk­ert í hand­bolta“ 

Al­freð Gísla­son þjálf­ari ís­lenska liðsins sagði í viðtali við RÚV eft­ir leik­inn að hann hefði verið ánægður með varn­ar­leik­inn og markvörsl­una í fyrri hálfleik. „Við sýnd­um það í síðari hálfleik að við get­um ekk­ert í hand­bolta ef við leik­um ekki á full­um krafti,“ sagði þjálf­ar­inn. Hann var vissu­lega ánægður með sig­ur­inn en var strax far­inn að huga að næsta verk­efni gegn Frökk­um á morg­un. 

„Við erum komn­ir í þá stöðu að geta farið með 2 stig í mill­iriðil með sigri gegn Frökk­um. Það verður gríðarlega erfitt verk­efni en ef menn leggja sig fram í vörn­inni eins og í dag þá er allt hægt.“

Skoruð mörk: Guðjón Val­ur Sig­urðsson 7, Al­ex­and­er Peters­son 5, Logi Geirs­son 4, Ró­bert Gunn­ars­son 4, Snorri Steinn Guðjóns­son 2, Ásgeir Örn Hall­gríms­son 2, Vign­ir Svavars­son 1, Ein­ar Hólm­geirs­son 1, Hann­es Jón Jóns­son 1, Jaliesky Garcia 1.

Bjarni Fritz­son kom inn í ís­lenska landsliðið gegn Slóvök­um. Hann kom í stað Ólafs Stef­áns­son­ar sem ásamt Sver­re Jak­obs­syni var ekki í 14 manna hópn­um í dag.

Ólaf­ur tognaði í aft­an­verðu hægra læri á dög­un­um og gerði togn­un­in enn frek­ar vart við sig í viður­eign­inni við Svía í fyrra­dag.  Ólaf­ur fór í mynda­töku í gær og í ljós kom að vöðvinn er ekki rif­inn eins og sum­ir höfðu ótt­ast. Nær úti­lokað er talið að Ólaf­ur taki þátt í viður­eign­inni við Frakka síðdeg­is á morg­un, síðasta leik ís­lenska landsliðsins í riðlakeppn­inni.

Al­ex­and­er Peters­son skor­ar í vináttu­leik gegn Tékk­um. Friðrik Tryggva­son

• 9 blogg um frétt­ina

Bloggað um frétt­ina

• Gunn­ar Th. Gunn­ars­son: Skell­ur á móti Frökk­um með svona seinni hálfleik
• Dof­ri Her­manns­son: Þetta var dá­lítið annað!
• HAUK­AR - Meist­ara­flokk­ur karla 2012-2013: Af­hverju ekki Frakk­land!!!!
• Ragn­ar Bjarna­son: Nauðsyn­leg­ur sig­ur í höfn
• Ía Jó­hanns­dótt­ir: Koma svo strák­ar!
• Ólaf­ur Als: Ólymp­íu­leik­arn­ir í Pek­ing mögu­leiki, þrátt fyr­ir hugs­an­legt slakt gengi
• Rún­ar Hauk­ur Ingimars­son: Get­um ekk­ert í hand­bolta
• Stefán Friðrik Stef­áns­son: Langþráður ís­lensk­ur sig­ur í Þránd­heimi
• Gísli Foster Hjart­ar­son: Ekk­ert að stæla knatt­spyrnu­landsliðið!