Garcia veikur - Sverre inn í hópinn

Jaliesky Garcia er veikur og verður ekki með íslenska landsliðinu í handknattleik á eftir þegar það leikur við Frakka í síðasta leik riðlakeppni Evrópumótsins í handknattleik. Í hans stað kemur Sverre Jakobsson inn í hópinn sem mætir Frökkum klukkan 17.15.

Garcia er með kvef og hefur verið rúmliggjandi í dag að sögn Einars Þorvarðarson, framkvæmdastjóra HSÍ.

Líkt og gegn Slóvökum í gær þá leikur Ólafur Stefánsson ekki með í dag. Hann glímir við tognun í aftanverðu hægra læri en ástand hans verður metið fyrir fyrsta leikinn í milliriðlakeppninni sem hefst á þriðjudag.

• 2 blogg um fréttina

Bloggað um fréttina

• Gunnar Th. Gunnarsson: Hreiðar markvörður með besta hlutfallið
• Ólafur Als: Svíar með yfirburði á meðan Spánverjar stríða Þjóðverjum.