Rússar sátu eftir með sárt ennið

Svartfjallaland fer áfram úr B-riðli í milliriðil ásamt Norðmönnum og Dönum. Norðmenn lögðu Svartfellinga með 5 marka mun í lokaleiknum en Rússar sátu eftir með sárt ennið og voru þeir aðeins einu marki að komast áfram.

Norðmenn virtust ekki  hafa áhuga á því að skora eitt mark til viðbótar gegn Svartfjallalandi í dag en Norðmenn voru með boltann þegar nokkrar sekúndur voru eftir. Í stað þess að reyna skot réttu þeir leikmönnum Svartfjallalands boltann. Lokatölur 27:22.

Norðmenn fara með 4 stig í milliriðil, Danir fara með 2 stig áfram og Svartfellingar ekkert.

Úr A-riðli fara Króatar áfram með 4 stig, Pólverjar 2 stig og Slóvenar fá engin stig með sér en þessi lið mæta Noregi, Danmörku og Svartfjallalandi í milliriðli 1 sem fram fer í Stavanger.

• 1 blogg um fréttina

Bloggað um fréttina

• Snorri Bergz: Rússneski björninn bitlaus