Guðmundur harmar ummæli Þorbergs

Guðmundur Ingvarsson, formaður Handknattleikssambands Íslands, sagði í sjónvarpsfréttum Stöðvar 2 í kvöld að hann harmaði ummæli Þorbergs Aðalsteinssonar, stjórnarmanns HSÍ, í þættinum „Utan vallar" á Sýn í gærkvöldi.

Þorbergur fór þá ítarlega yfir viðræður HSÍ við Magnus Andersson, Dag Sigurðsson, Geir Sveinsson og Aron Kristjánsson um stöðu landsliðsþjálfara karla og sagði m.a. að þeir Dagur, Geir og Aron þyrðu ekki að taka að sér þjálfun íslenska landsliðsins. Ennfremur að þeir Dagur og Aron hefði ekki komið hreint fram í viðræðunum við HSÍ.

Guðmundur sagði að í þættinum hefði Þorbergur komið fram sem fyrrum landsliðsþjálfari en ekki sem stjórnarmaður HSÍ, en ljóst væri að hann hefði sagt meira en æskilegt væri um viðræðurnar. Þorbergur væri ekki í þeirri þriggja manna nefnd sem sæi um að leita að landsliðsþjálfara.

• 3 blogg um fréttina

Bloggað um fréttina

• Námsmaður bloggar: Hvað veldur því að enginn vill þjálfa ?
• Stefán Friðrik Stefánsson: Ósmekkleg ummæli Þorbergs um þjálfaraefnin
• Gísli Foster Hjartarson: Loksins eitthvað líf.....