Haukar með öruggan sigur á Fram

Haukar eru yfir í hálfleik, 17:15, gegn Fram í uppgjöri tveggja efstu liðanna í úrvalsdeild karla í handknattleik sem nú stendur yfir í Safamýrinni.

Lærisveinar Arons Kristjánssonar náðu þar með fjögurra stiga forystu í deildinni en þeir eru með 28 stig, Fram 24, Valur 23, Stjarnan 22 og HK 22 þegar 10 umferðum er ólokið.

Haukar voru með yfirhöndina í fyrri hálfleik og náðu þá mest fimm marka forystu en þeirvoru yfir í hléi, 17:15.

Fram minnkaði muninn í 20:19 en þá tóku Haukarnir góða rispu, komust í 26:21, og síðan mest í 32:24 en Fram náði að laga stöðuna aðeins á lokakaflanum.

Sigurbergur Sveinsson skoraði 12 mörk fyrir Hauka og Andri Stefan 10 en Andri Berg Haraldsson gerði 8 mörk fyrir Fram og Haraldur Þorvarðarson 6.

Nánar um leikinn, umfjöllun og viðtöl, í Morgunblaðinu á morgun.

• 1 blogg um fréttina

Bloggað um fréttina

• HAUKAR - Meistaraflokkur karla 2012-2013: Aldrei hætta á öðru en sigri