Svíar unnu stórsigur á Túnis

Sví­ar, sem mæta Íslend­ing­um í vor í undan­keppni Ólymp­íu­leik­anna, unnu stór­sig­ur á sterku liði Tún­is, 37:28, á alþjóðlegu hand­knatt­leiks­móti í Inns­bruck í dag.

Sví­ar voru með und­ir­tök­in frá byrj­un, komust í 6:1 og voru 17:13 yfir í hálfleik. Þeir komust fljót­lega í 22:14 og Tún­is­bú­ar áttu ekki mögu­leika eft­ir það.

Hinn fer­tugi Peter Gentzel átti stór­leik í sænska mark­inu í fyrri hálfleik og Per Sand­ström í þeim síðari. Jon­as Lar­holm skoraði 10 mörk fyr­ir Svía, Sebastian Sei­fert 5 og þeir Henrik Lund­ström og Jon­as Källström gerðu 4 mörk hvor.

Stór­skytt­an Wis­sem Hmam var í sér­flokki hjá Tún­is og skoraði 12 mörk.

• 1 blogg um frétt­ina

Bloggað um frétt­ina

• Gísli Foster Hjart­ar­son: ...og all­ir voða hrædd­ir!