Fram með fimm stiga forystu
Anett Köbli úr Fram stöðvar Elínu Helgu Jónsdóttur úr Fylki í leiknum í kvöld.
mbl.is/Árni Sæberg
Setja bókamerki
Fram náði í kvöld fimm stiga forystu í 1. deild kvenna í handknattleik með því að sigra Fylki örugglega, 31:20, á heimavelli sínum í Safamýrinni.
Staðan var 6:6 um miðjan fyrri hálfleik en Fram gerði næstu fimm mörk og var þar með komið með undirtökin. Staðan var 15:9 í hálfleik. Árbæingar héldu í við Fram þar til staðan var 18:13. Þá gerði Safamýrarliðið átta mörk í röð, 26:13, og úrslitin voru ráðin.
Anett Köbli skoraði 8 mörk fyrir Fram og Ásta Birna Gunnarsdóttir 7. Ingibjörg Karlsdóttir og Sunna Jónsdóttir gerðu 5 mörk hvor fyrir Fylki.
Fram er með 37 stig, Valur 32 og Stjarnan 31 en Valur á einn leik til góða á Fram og Stjarnan tvo.
Nánar er fjallað um leikinn í íþróttablaði Morgunblaðsins á morgun.
Falskur fyrirvari á auglýsingum Höllu
Börnin eiga að ýta við foreldrum sínum
Sendi nektarmyndir af dreng sem hann passaði
Fæðuöryggi: „Áttum mat í þrjár vikur“
Vinna hefst í dag við að reisa undirstöður
Diegó er fundinn
„Við vöknuðum við hljóð frá sprengingum“