Haukar lögðu Akureyringa

Nýbakaðir Íslandsmeistarar Hauka sigruðu Akureyri, 29:27, í úrvalsdeild karla í handknattleik, N1-deildinni, þegar liðin mættust í 25. umferð deildarinnar á Ásvöllum í kvöld.

Haukar virtust ætla að vinna yfirburðasigur því staðan í hálfleik var 17:9, þeim í hag. En norðanmenn sóttu sig heldur betur og hleyptu spennu í leikinn undir lokin.

Gísli Jón Þórisson skoraði 7 mörk fyrir Hauka, Freyr Brynjarsson 5 og Andri Stefan 4. Jónatan Þór Magnússon gerði 6 mörk fyrir Akureyri og Hörður Fannar Sigþórsson 5.

Nánar er fjallað um leikinn í íþróttablaði Morgunblaðsins á morgun.

Þá hefur verið flautað til hálfleiks að Hlíðarenda þar sem HK er yfir gegn Val, 11:8. Ragnar Hjaltested gerði 4 mörk fyrir HK í fyrri hálfleik og Hjalti Pálmason 3 mörk fyrir Val.

• 1 blogg um fréttina

Bloggað um fréttina

• HAUKAR - Meistaraflokkur karla 2012-2013: Enn einn sigurinn