„Sænskir pappakassar“

„Það  var misjafnt hvernig menn brugðust við þessum úrslitum. Sumir fóru að gráta, aðrir fóru að hlægja og enn aðrir misstu sig í fögnuði. Ég er ekki ennþá búinn að átta mig á þessu en það kemur seinna,“ sagði Róbert Gunnarsson línumaður íslenska landsliðsins við mbl.is. 

„Það er ljóst að maður þarf að fara undirbúa sig vel undir langa flugferð til Peking. Þetta var ótrúlegur leikur og það var alveg á hreinu frá fyrstu mínútu að við vorum á leiðinni að vinna hann. Við vorum hrikalega vel stemmdir, fögnuðum allir eins og geðsjúklingar þegar við gerðum eitthvað vel, og spiluðum með hjartanu. Með þessu brutum við þá niður smám saman, við gáfumst ekki upp þó við klikkuðum á einu og einu færi, og vissum að Svíarnir myndu fara á taugum. Þeir voru bara pappakassar í þessum leik! Og Hreiðar var hreint stórkostlegur í markinu,“ sagði Róbert sem skoraði þrjú mörk af línunni.

Svíarnir voru hræddir 

„Þetta var bara geðveiki, eins og við gáfum út fyrir leikinn. Við vorum tilbúnir og vel stemmdir, börðumst hver fyrir annan og gáfum ekkert eftir. Svíarnir voru hræddir við okkur og stressaðir og við nýttum okkur það,“ sagði Ásgeir Örn Hallgrímsson sem átti góða innkomu í sigurleikinn gegn Svíum og skoraði tvö mörk á dýrmætum augnablikum. „Þetta er það sem við getum á góðum degi. Við vorum komnir með bakið uppvið vegg eins og vanalega og þá kom ekkert annað til greina en  sigur. Við tókum þá og erum á leið til Peking. Það er hrikalega magnað og verður mikil upplifun. Nú fögnum við þessu, tökum svo Makedóníu og byrjum að undirbúa okkur fyrir Peking,“ sagði Ásgeir Örn.

• 3 blogg um fréttina

Bloggað um fréttina

• Sigursteinn Ingvar Rúnarsson: tja,hvað skal segja
• Jac Norðquist: Duck a l´Orange
• Bergur Thorberg: Pappakassarnir fóru á taugum