Gummersbach hafði betur í Íslendingaslag

Róbert Gunnarsson skoraði 4 mörk fyrir Gummersbach sem sótti Rhein-Neckar Löwen heim í þýsku 1. deildinni í handknattleik í dag og hafði tveggja marka sigur, 29:27. Þá lék Guðjón Valur Sigurðsson með Rhein-Neckar liðinu og skoraði 4 mörk í leiknum gegn sínum gömlu félögum í Gummersbach.

Lærisveinar Alfreðs Gíslasonar hjá Kiel eru áfram á toppi deildarinnar eftir stórsigur á Straslunder, 43:22. Sænska kempan Stefan Lövgren var markahæstur hjá Kiel með 9 mörk og hinn tékkneski Filip Jicha skoraði jafnmörg mörk fyrir Kiel.

Einar Hólmgeirsson komst ekki á blað hjá Grosswallstadt sem tapaði heima fyrir Nordhorn, 23:30. 

Jalesky Garcia skoraði eitt mark í 30:23-tapi Göppingen fyrir Hamburg.

• 1 blogg um fréttina

Bloggað um fréttina

• Halldór Jóhannsson: Ekki...