Frakkar heimsmeistarar í handknattleik
Setja bókamerki
Ólympíumeistarar Frakka urðu í dag heimsmeistarar í handknattleik karla í þriðja skiptið þegar þeir lögðu heimamenn í Króatíu að velli, 24:19. Leikurinn var jafn og spennandi lengi framan af en hin gríðarsterka vörn Frakka skóp að lokum sigur þessa besta handknattleikslandsliðs heims.
Úrslitin gefa ekki skýra mynd af gangi leiksins því Króatar, sem voru dyggilega studdir af fjölmörgum áhorfendum, höfðu eins marks forystu í hálfleik 11:12. Frakkar náðu forystunni í seinni hálfleik en tókst ekki að slíta heimamenn frá sér fyrr en á síðustu tíu mínútum leiksins.
Mickaël Guigou, leikmaður Montpellier, skoraði 10 mörk fyrir Frakka í dag og Daniel Narcisse sex. Ivan Cupic var markahæstur heimamanna með sex mörk og Blazenko Lackovic gerði fjögur.
Króatinn Igor Vori fékk að líta rauða spjaldið undir lok leiksins fyrir að ógna öðrum af dönsku dómurunum með því að þykjast ætla að þruma boltanum í hann.
Pútín reynir allt til að forðast aðra herkvaðningu
Þarf að koma til móts við ólíkar þarfir lækna
Hótar Bretum og Bandaríkjamönnum
Nýtt fangelsi í landi Stóra-Hrauns tilbúið 2028
Yfir 300 stæði fóru undir hraun
Vegirnir voru eins og borðstofuborð
/frimg/1/53/8/1530849.jpg)
Fatlaður drengur fær ekki þjónustu í verkfalli