Selfoss eða Grótta í úrslit?

Það ræðst í kvöld hvort það verður Sel­foss eða Grótta sem leik­ur til úr­slita í bik­ar­keppni karla í hand­knatt­leik. Liðin, sem eru í tveim­ur efstu sæt­um 1. deild­ar, mæt­ast á Sel­fossi klukk­an 19.30 en sig­urliðið leik­ur við Val eða FH í úr­slita­leik keppn­inn­ar í lok mánaðar­ins.

Grótta er með 26 stig en Sel­foss 24 á toppi 1. deild­ar og út­lit fyr­ir að annað eða jafn­vel bæði lið leiki í úr­vals­deild­inni næsta vet­ur. Liðin hafa sigrað hvort annað á úti­velli í vet­ur, Sel­foss vann sig­ur, 29:25, á Seltjarn­ar­nesi í fyrstu um­ferð deild­ar­inn­ar í haust en Grótta hefndi fyr­ir með sigri fyr­ir aust­an fjall, 34:28, um miðjan nóv­em­ber. Liðin mæt­ast í þriðja sinn í deild­inni næsta miðviku­dag, í öðrum stór­leik, og þá á Seltjarn­ar­nesi, en í kvöld er það sætið í sjálf­um bikar­úr­slita­leikn­um sem er í húfi þegar þau eig­ast við. vs@mbl.is