Rúmenskur landsliðsmaður stunginn til bana

Rúmenski landsliðsmaðurinn í handknattleik, Marian Cozma, var stunginn til bana á næturklúbbi í Ungverjalandi í nótt og tveir félagar hans úr Veszprém liðinu slösuðust.

Cozma var stunginn með hnífi í hjartastað og lést áður en hann komst á sjúkrahús. Ivan Pesic, markvörður Veszprém, reyndi að koma félaga sínum til hjálpar en hann var stunginn í bakið og var fluttur á sjúkrahús þar sem hann fór í aðgerð og annað nýra hans var fjarlægt. Þá var Serbinn Zarko Sesum sparkaður og laminn það illa að hann missti meðvitund og var fluttur á sjúkrahús, hann er nú úr lífshættu.

Talsmaður Veszprém segir að þeir félagar hafi verð á næturklúbbi og að Cozma hafi verið á dansgólfinu ásamt unnustu sinni þegar hópur manna réðst að honum, talið er að um 30 manns hafi verið þarna að verki og er þeirra nú leitað.

• 1 blogg um fréttina

Bloggað um fréttina

• 07.07.07: Ekki rétt mynd með fréttinni!!