Kári Kristján til ZMC Amicitia

Kári Kristján Kristjánsson, línumaður Íslandsmeistara Hauka í handknattleik, gengur til liðs við svissneska meistaraliðið ZMC Amicitia í Zürich í sumar. Hann hefur gert tveggja ára samning við félagið og er ætlað að fylla skarð norska línumannsins Frank Löke sem hyggst  róa á önnur mið. 

Frá þessu er greint á heimasíðu ZMC Amicitia í dag. Kári hefur verið undir smásjá nokkurra erlendra liða síðustu mánuði í Þýskalandi, Ungverjalandi og í Sviss. 

Einn íslenskur handknattleiksmaður hefur áður verið á mála hjá ZMC Amicitia. Það er Gunnar Andrésson sem lék með liði félagsins undir lok tíunda áratugar síðustu aldar og á fyrstu árum þessa áratugar.

• 1 blogg um fréttina

Bloggað um fréttina

• Gísli Foster Hjartarson: Til hamingju með þetta Kári minn