40 stiga hiti í keppnishöllinni í Túnis

Aðstæður eru erfiðar  í keppnishöllinni í Túnis þar sem Ísland mun leika til úrslita í kvöld á Heimsmeistaramóti U-19 ára í handknattleik karla. Andstæðingarnir verða Króatar sem þykja mjög sterkir að sögn Kristján Halldórssonar fararstjóra.

Hljóðið í Kristjáni var gott þegar mbl.is sló á þráðinn til hans rétt í þessu. Íslensku strákarnir voru nýbúnir að borða góðan mat og voru gera sig klára fyrir fund áður en farið yrði í keppnishöllina. Þar bíður þeirra 40 stiga hiti og mikill raki auk óárennilegra Króata. 

Úrslitaleikur Íslands og Króatíu hefst klukkan 19:30 að íslenskum tíma og verður í beinni sjónvarpsútsendingu á RÚV.

Íslenski hópurinn heldur heim á leið frá Túnis klukkan 4 í nótt að íslenskum tíma. Mun hópurinn fljúga til Frakklands og þaðan til Íslands og lenda í Keflavík um kl 16 á morgun.

• 1 blogg um fréttina

Bloggað um fréttina

• Friðrik Friðriksson: Bíddu nú við!