Snorri Steinn til Rhein-Neckar Löwen

Handknattleiksmaðurinn Snorri Steinn Guðjónsson hefur verið seldur frá danska liðinu GOG til þýska stórliðsins Rhein-Neckar Löwen. Þetta hefur fréttavefur Morgunblaðsins samkvæmt heimildum. Félögin hafa náð samkomulagi um kaupverðið og mun Snorri skrifa undir samning við þýska liðið síðar í dag.

Reiknað er með að Snorri Steinn verði í liði Rhein-Neckar Löwen sem mætir TuS N-Lübbecke í fyrstu umferð þýsku 1. deildarinnar á morgun.

Snorri Steinn verður þar með þriðji íslenski handknattleiksmaðurinn í herbúðum Rhein-Neckar Löwen. Fyrir eru hjá félaginu Guðjón Valur Sigurðsson og Ólafur Stefánsson.

Leikstjórnandi Rhein-Neckar Löwen, Pólverjinn Grzegorz Tkaczyk, meiddist í illa í hné nýverið og ljóst að hann verður ekki með liðinu fyrr en í fyrsta lagi í febrúar.  Þar af leiðandi var forráðamönnum liðsins nauðugur sá kostur að leita eftir kaupum á nýjum leikstjórnanda í snatri. 

Samningur Snorra Steins við  Rhein-Neckar Löwen nær aðeins til loka þeirra leiktíðar sem nú er að hefjast, þ.e. til loka maí á næsta ári.

• 1 blogg um fréttina

Bloggað um fréttina

• Gunnar Th. Gunnarsson: Betri en Anderson