Fram setur stefnuna á meistaratitilinn

,,Ég er með lið sem á að geta unnið Íslands­meist­ara­titil­inn,“ seg­ir Ein­ar Jóns­son, þjálf­ari kvennaliðs Fram í hand­knatt­leik. Þetta er þriðja árið sem Ein­ar stýr­ir Fram-liðinu og und­ir hans stjórn hafnaði það í öðru sæti á Íslands­mót­inu í vor eft­ir að leikið til úr­slita við Stjörn­una. Morg­un­blaðið held­ur áfram að kynna liðin í N1-deild­inni í hand­bolta í dag

„Und­ir­bún­ing­ur­inn fyr­ir kom­andi keppn­is­tíma­bil hef­ur gengið mjög vel,“ seg­ir Ein­ar. „Við byrjuðum eft­ir versl­un­ar­mann­helg­ina af krafti og höf­um verið að síðan. Til að byrja með var aðallega um styrkj­andi æf­ing­ar að ræða en síðan kom bolt­inn meira inn í æf­ing­arn­ar og æf­inga­leik­ir nú síðustu vik­ur.

Þetta hef­ur verið hefðbund­inn tröppu­gang­ur,“ seg­ir Ein­ar en lið hans hef­ur tekið nokkr­um breyt­ing­um frá síðustu leiktíð. Sex leik­menn róið á önn­ur mið en fimm bæst í hóp­inn, þar af tveir markverðir.

Breytt­ur leik­ur með nýj­um leik­mönn­um

„Við höf­um verið að breyta aðeins áhersl­um í leik liðsins. Það hef­ur verið góð stíg­andi í liðinu,“ seg­ir Ein­ar. Fram varð í öðru sæti á sterku móti á Ak­ur­eyri fyr­ir skömmu og náði síðan að vinna Opna Reykja­vík­ur­mót­inu sem lauk á síðasta sunnu­dag. „Mér finnst liðið vera á mjög góðri leið um þessa mund­ir.“