Ísland ekki meðal bestu

Íslenska  landsliðið í hand­knatt­leik karla verður í öðrum styrk­leika­flokki þegar dregið verður í riðla í undan­keppni Evr­ópu­móts­ins sem haldið verður í Serbíu í byrj­un janú­ar 2012.

Dregið verður í riðlana sjö í Belgrad mánu­dag­inn 12. apríl nk. en keppni hefst í októ­ber. Þrátt fyr­ir frá­bær­an ár­ang­ur á EM í Aust­ur­ríki í byrj­un þessa árs næg­ir það ekki ís­lenska landsliðinu til þess að vera í efsta styrk­leik­flokki, en Hand­knatt­leiks­sam­band Evr­ópu, EHF, gaf styrk­leik­lista sinn út um helg­ina. Þar er ís­lenska landsliðið í 10. sæti en átta þjóðir eru í efsta styrk­leika­flokki.

„Það er mjög ein­kenni­legt að ár­ang­ur­inn á Ólymp­íu­leik­un­um í Pek­ing sé ekki tek­inn með í reikn­ing­inn,“ sagði Guðmund­ur Þórður Guðmunds­son landsliðsþjálf­ari.

Sjá nán­ar um málið í íþrótta­blaði Morg­un­blaðsins í dag.