Danir kölluðu eftir gögnum frá læknum

Ingi­mund­ur Ingi­mund­ar­son, landsliðsmaður í hand­knatt­leik, skrifaði loks und­ir samn­ing við danska meist­araliðið AaB frá Ála­borg á föstu­dag­inn.

Hálf önn­ur vika er liðin síðan hann fór utan og hitti for­ráðamenn fé­lags­ins þar sem reiknað var með að skrifað yrði und­ir samn­ing­inn. Vegna meiðsla Ingi­mund­ar á hné, sem héldu hon­um frá keppni í síðustu um­ferðum þýsku deild­ar­inn­ar í vor og frá lands­leikj­um Íslands við Dani og Bras­il­íu í síðasta mánuði, óskuðu for­ráðamenn AaB eft­ir ýt­ar­leg­um upp­lýs­ing­um frá lækn­um hér á landi um ástand hnés­ins. Voru þeim send­ar mynd­ir og skýrsl­ur frá lækn­um. Eft­ir að hafa farið yfir þær upp­lýs­ing­ar var loks skrifað und­ir eins árs samn­ing.

„Ég er mjög ánægður með að samn­ing­ur­inn skuli vera í höfn. Nú tek­ur við spenn­andi tími og ljóst að mikið álag verður á okk­ur frá því að deilda­keppn­in hefst í sept­em­ber og fram að ára­mót­um,“ sagði Ingi­mund­ur. Auk titilvarn­ar á heima­velli mun AaB taka þátt í Meist­ara­deild Evr­ópu í fyrsta sinn.