Ísland mætir Úkraínu um sæti á HM

Íslenska landsliðið í handknattleik kvenna mætir Úkraínu í umspilsleikjum í júní um sæti á heimsmeistaramótinu sem haldið verði í Brasilíu í desember á næsta ári.

Dregið var í morgun í Herning í Danmörku um hvaða sextán lið mætast í átta viðureignum um sæti á HM.

Fyrri leikurinn við Úkraínu fer fram hér á landi 4. eða 5. júní og sá síðari ytra  á landi viku síðar. Samanlögð úrslit í leikjunum ráða því hvor þjóðin tryggir sér keppnisrétt á HM 2011 en íslenska kvennalandsliðið hefur aldrei verið á meðal þátttökuliða á heimsmeistaramóti.

Aðrir leikir í umspilinu verða sem hér segir:

Tékkland - Svartfjallaland

Holland - Tyrkland

Spánn - Makedónía

Frakkland - Slóvenía

Króatía - Spánn

Ísland - Úkraína

Þýskaland - Ungverjaland

Pólland - Rúmenía/Danmörk

Það ræðst í dag hvort það verður Rúmenía eða Danmörk sem mæta Pólland en Rúmenar og Danir leika um þriðja sætið á EM. Taplið þess leik fer í umspilið en sigurliðið tryggir sér farseðilinn á HM eins þau sem hafna í fyrsta og öðru sæti.

• 1 blogg um fréttina

Bloggað um fréttina

• Jóhann Elíasson: ÁFRAM STELPUR......................................