Akureyri í bikarúrslit
Setja bókamerki
Akureyri leikur til úrslita við Val Eimskipsbikarkeppninni í handknattleik í Laugardalshöll laugardaginn 26. febrúar. Þetta varð ljóst eftir að Akureyri lagði FH, 23:20, í undanúrslitaleik í íþróttahöllinni á Akureyri í kvöld.
Akureyringar voru yfir allan leikinn, m.a. fjórum mörkum að loknum fyrri hálfleik, 13:9. Varnarleikur liðsins var framúrskarandi og þá fór Sveinbjörn Pétursson á kostum í markinu.
Mestur varð munurinn á liðunum sjö mörk um miðjan síðari hálfleik, 20:13. Þá tókst FH-ingum með seiglu og baráttu að minnka forystu Akureyrar í eitt mark, 21:20, þegar ein mínúta var eftir. Lengra komust Hafnfirðingar ekki og Akureyringar skoruðu tvö síðustu mörkin.
Akureyri handboltafélag hefur ekki áður komist í úrslit bikarkeppninnar en annar forveri þess, KA, náði þeim áfanga að verða þrisvar sinnum bikarmeistari, 1995, 1996 og 2004.
Fylgst var með gangi mála í beinni textalýsingu hér á mbl.is.
| Akureyri | 23:20 | FH |
|
|---|---|---|---|
| Leik lokið Leik lokið og góður sigur heimamanna staðreynd. Þeir eru því komnir í úrslit bikarsins í fyrsta sinn í stuttri sögu félagsins | |||
Hraun kemur úr þremur gígum: Virknin stöðug
Nýtt fangelsi í landi Stóra-Hrauns tilbúið 2028
Hópur fólks reyndi að komast að eldgosinu
Börn hafi engan rétt á leikskólakennslu
Sólveig Anna furðar sig á aðferðum kennara
Drónamyndskeið frá hápunkti gossins í nótt