Akureyringar lögðu FH í þriðja leik
Setja bókamerki
Akureyri lagði FH að velli, 23:22, í þriðja úrslitaleik liðanna um Íslandsmeistaratitil karla í handknattleik í Höllinni á Akureyri í dag. Þar með er staðan í einvíginu 2:1, FH-ingum í hag, og liðin mætast í fjórða sinn í Kaplakrika á miðvikudagskvöldið.
Rétt eins og fyrri leikir liðanna var þessi í járnum allan tímann. Akureyri komst tvisvar þremur mörkum yfir í seinni hálfleik, 19:16 og síðan 22:19. FH fékk tækifæri til að jafna metin í lokin, náði boltanum þegar 17 sekúndur voru eftir, en aukakast skilaði ekki skoti á markið og Akureyringar gómuðu boltann rétt áður en leiktíminn rann út.
Mörk Akureyrar: Heimir Örn Árnason 7, Bjarni Fritzson 4, Oddur Gretarsson 4, Halldór Logi Árnason 3, Daníel Einarsson 2, Hörður Fannar Sigþórsson 1, Guðlaugur Arnarsson 1, Hreinn Hauksson 1.
Mörk FH: Ásbjörn Friðriksson 8, Ólafur Guðmundsson 6, Ólafur Gústafsson 5, Atli Rúnar Steinþórsson 2, Örn Ingi Bjarkason 1.
| Akureyri | 23:22 | FH |
|
|---|---|---|---|
| Leik lokið Leik lokið með miklum baráttusigri Akureyringa. Þeir hafa því minnkað muninn í 2:1 | |||
Reiðubúin að aflýsa verkföllum í fjórum leikskólum
Hraun kemur úr þremur gígum: Virknin stöðug
Hentugt gos fyrst gýs á annað borð
Drónamyndskeið frá hápunkti gossins í nótt
Fullvissa ferðamenn um að hér sé öruggt
Dómur þyngdur um þrjú ár
Viðræður ekkert þokast frá því á þriðjudag