Stórsigur á Austuríki og Ísland á EM

Íslenska landsliðið vann stór­sig­ur á Aust­ur­ríki, 44:29, í Laug­ar­dals­höll og tryggði sér sæti í loka­keppni Evr­ópu­móts­ins í hand­knatt­leik karla sem fram í Serbíu í janú­ar á næsta ári.

Íslenska landsliðið varð að vinna leik­inn og sýndi það frá fyrstu mín­út­ur að það ætlaði sér ekk­ert annað en sig­ur. Það tók öll völd á leik­vell­in­um frá fyrstu mín­útu með frá­bær­um varn­ar­leik auk þess sem Björg­vin Gúst­avs­son fór á kost­um í mark­inu. Þá var sókn­ar­leik­ur­inn mjög góður ein­um fyrstu 20 mín­út­ur fyrri hálfleik. Staðan var 21:14, að lokn­um fyrri hálfleik.

Íslenska landsliðið lét síðan kné fylgja kviði í síðari hálfleik og jók for­skot sitt smátt og smátt. Aust­ur­ríska landsliðið hafði eng­in svör og lagði niður vopn sín smátt og smátt.

Ísland og Þýska­land fara því áfram úr þessu riðli undan­keppn­inn­ar í loka­keppn­ina en Aust­ur­ríki og Lett­land sitja eft­ir.

Mörk Íslands: Aron Pálm­ars­son 8, Guðjón Val­ur Sig­urðsson 8, Ólaf­ur Stef­áns­son 7/​2, Al­ex­and­er Peters­son 5, Ró­bert Gunn­ars­son 5, Arn­ór Atla­son 4, Ingi­mund­ur Ingi­mund­ar­son 2, Snorri Steinn Guðjóns­son 2, Sver­re Jak­obs­son 1, Arn­ór Þór Gunn­ars­son 1, Vign­ir Svavars­son 1.
Var­in skot: Björg­vin Páll Gúst­afs­son 20 (þaraf 4 til mót­herja). Hreiðar Levy Guðmunds­son 6(þaraf 3 til mót­herja).
Marka­hæst­ur Aust­ur­rík­is­manna var Roland Schlin­ger með 8 mörk og Konrad Wilczynski og Robert We­ber skoruðu 5 mörk hvor.