Guðjón Finnur til Fram

Hornamaðurinn Guðjón Finnur Drengsson hefur fengið félagsskipti úr Selfossi yfir í sitt uppeldisfélag, Fram. Hann getur þar með verið í hópnum hjá toppliði Fram þegar það fær HK í heimsókn í Safamýri í kvöld en þá fer fimmta umferð deildarinnar fram.

Guðjón Finnur lék með Selfossi í N1-deildinni á síðustu leiktíð en hefur nær allan sinn feril að öðru leyti leikið með Fram fyrir utan nokkurra mánaða dvöl hjá Kassel í Þýskalandi árið 2009. Hann hefur ekkert komið við sögu í leikjum Selfoss í 1. deildinni á yfirstandandi keppnistímabili.

Auk viðureignar Fram og HK í Safamýrinni í kvöld þá fær Akureyri Valsmenn í heimsókn í Íþróttahöllina á Akureyri klukkan 19. Íslandsmeistarar FH leika við nýliða Gróttu í Kaplakrika og Afturelding og Haukar leiða saman hesta sína að Varmá. Allir leikirnir hefjast klukkan 19.30 nema viðureign Akureyrar og Val sem byrjar hálftíma fyrra.

• 1 blogg um fréttina

Bloggað um fréttina

• Haraldur Haraldsson: Guðjón Finnur til Fram/gott að styrkja gott lið,velkomin !!!!!!