HSÍ sendir ummæli Svavars til aganefndar

Stjórn HSÍ hefur sent aganefnd til úrskurðar mál er varðar ummæli Svavars Vignissonar þjálfara kvennalið ÍBV í handknattleik í fjölmiðlum eftir leik ÍBV og Gróttu í úrslitakeppninni í handknattleik laugardaginn 14. apríl.

Þar sakaði Svavar m.a. annan dómara leiksins um að hafa angað af vínlykt og fleira.

Í fundargerð aganefndar HSÍ sem er birt á vef Handknattleikssambands Íslands, HSÍ, segir m.a.; Í samræmi við 19. grein „Reglugerðar HSÍ um agamál“ er ÍBV hér með gefinn kostur á að skila inn skriflegri greinargerð fyrir næsta fund aganefndar sem haldin verður kl. 15 á morgun föstudaginn 20. apríl og er það í samræmi við 7. grein áðurnefndrar reglugerðar.“

Dómaranefnd HSÍ og hefur í samráði við viðkomandi dómara ákveðið að hann taki sér frí frá dómgæslu út leiktíðina. Dómaranefndin sendi frá sér tilkynningu í gær sem má lesa hér.

• 1 blogg um fréttina

Bloggað um fréttina

• Gísli Foster Hjartarson: Eru menn örugglega ekki að grínast?