Kiel komið á toppinn eftir sjö marka sigur

Þýska meist­araliðið Kiel vann í kvöld afar mik­il­væg­an leik þegar það lagði Füch­se Berlín á heima­velli sín­um, Spar­kess­sen Ar­ena í Kiel, 40:33, í hreint frá­bær­um hand­bolta­leik í þýsku 1. deild­inni í hand­knatt­leik. Þar með komst Kiel, und­ir stjórn Al­freðs Gísla­son­ar, í efsta sæti deild­ar­inn­ar en liðið er með stigi meira læri­svein­ar Guðmund­ar Þórðar Guðmunds­son­ar í Rhein-Neckar Löwen.

Löwen á leik til góða við Grosswallsta­dt á heima­velli annað kvöld.

Kiel var með fjög­urra marka for­skot að lokn­um fyrri hálfleik, 22:18. Kiel var komið með sjö marka for­skot efir tíu mín­útna leik í síðari hálfleik, 29:22. Leik­mönn­um Füch­se Berl­in tókst aldrei að minnka mun­inn svo mikið að leik­ur­inn yrði spenn­andi.

Guðjón Val­ur Sig­urðsson og Aron Pálm­ars­son léku stórt hlut­verk í liði Kiel í leikn­um. Guðjón Val­ur skoraði þrjú mörk og Aron tvo en Guðjón Val­ur fór illa að ráði sínu í tveim­ur opn­um fær­um í síðari hálfleik.

Dag­ur Sig­urðsson gat ekki stýrt liði sínu, Füch­se Berlín, í kvöld vegna veik­inda. Berlín­arliðið sit­ur í fjórða sæti deild­ar­inn­ar á eft­ir Kiel, Löwen og Flens­burg.

• 1 blogg um frétt­ina

Bloggað um frétt­ina

• Gísli Foster Hjart­ar­son: Ekki frétt........