Gunnar Steinn í liði umferðarinnar

Gunnar Steinn Jónsson var valinn í úrvalslið 12. umferðar frönsku 1. deildarinnar í handknattleik sem birt var í dag. Gunnar Steinn fór á kostum þegar lið hans Nantes vann meistaralið Paris Handball, 30:26, á heimavelli í síðustu viku.

Gunnar Steinn skoraði þá sjö mörk úr jafn mörgum skotum auk þess sem hann stýrði leik liðsins af dugnaði og útsjónarsemi. Þá Gunnar Steinn einnig fastur fyrir í vörninni.

Enginn leikmaður úr meistaraliði Paris Handball er í liði umferðarinnar. Gunnar Steinn er eini liðsmaður Nantes sem valinn var í úrvalsliðið. Tveir leikmenn St Raphaël eru  í liðinu, en lið Dunkerque, Chambéry, Aix og Tolouse eiga einn mann hvert í liðinu.

• 1 blogg um fréttina

Bloggað um fréttina

• Torfi Kristján Stefánsson: En ekki í landsliðinu!