EM vonin veikist
Ívar Benediktsson
Setja bókamerki
Vonir íslenska landsliðsins um sæti í lokakeppni EM í Króatíu veiktust verulega við þriggja marka tap, 27:24, fyrir Tékkum í Brno í Tékklandi í dag. Tékkar voru með yfirhöndina allan leikinn en afleitur sóknarleikur íslenska landsliðsins í fyrri hálfleik gerði stöðuna afar erfiða. Heimamenn voru með fimm marka forskot í hálfleik, 14:9.
Íslenska landsliðið lék vel lengst af síðari hálfleiks og minnkaði muninn í eitt mark, 24:23, þegar rúmar fimm mínútur voru til leiksloka en nær komst liðið ekki þrátt fyrir hetjulega baráttu og góðan varnarleik.
Sem fyrr segir þá veiktust vonir íslenska liðsins um sæti á EM í Króatíu verulega með þessu tapi. Liðið á enn möguleika á að ná þriðja sæti riðilsins með sigri á Úkraínu á sunnnudaginn og komast áfram sem það lið sem bestum árangri nær í þriðja sæti.
Guðjón Valur Sigurðsson var markahæstur með níu mörk.
| Tékkland | 27:24 | Ísland |
|
|---|---|---|---|
| Jan Landa (Tékkland) fékk 2 mínútur | |||
Hjúkrunarfræðingar skrifa undir kjarasamning
Telur njósnirnar vega að lýðræðinu á Íslandi
Mjög dýrt að tryggja landamærin
Par flutt á bráðamóttöku eftir árás
Nota ekki jólaljós til að níðast á fólki
Var rétt komin ofan í sprunguna
Fresta framkvæmdum við Landspítala