Öruggt hjá Selfyssingum gegn ÍR
Setja bókamerki
Selfyssingar unnu öruggan sigur á ÍR á heimavelli í Olísdeild karla í handbolta í kvöld, 32:26. Eftir jafnan fyrri hálfleik stýrðu Selfyssingar umferðinni í seinni hálfleiknum.
Það var jafnt á öllum tölum fyrstu tuttugu mínúturnar en þá tóku ÍR-ingar frumkvæðið í skamma stund og náðu tveggja marka forskoti. Selfyssingar svöruðu hins vegar fljótt fyrir sig og jöfnuðu 11:11 fyrir leikhlé.
Í upphafi síðari hálfleiks gerðu Selfyssingar síðan út um leikinn og náðu fljótlega góðu forskoti sem þeir vörðu svo til leiksloka, og gott betur en það því munurinn jókst á lokakaflanum.
Teitur Örn Einarsson var markahæstur Selfyssinga með 10/4 mörk og Elvar Örn Jónsson skoraði 7. Markvarslan var nánast engin hjá Selfyssingum en Sölvi Ólafsson og Helgi Hlynsson vörðu báðir 3 skot.
Daníel Ingi Guðmundsson skoraði 6/1 mark fyrir ÍR og Úlfur Kjartansson og Sturla Ásgeirsson 5. Grétar Ari Guðjónsson varði 11 skot í marki ÍR.
| Selfoss | 32:26 | ÍR |
|
|---|---|---|---|
| Halldór Logi Árnason (ÍR) skoraði mark | |||
Stormur á Þorláksmessu en víðast hvar stefnir í hvít jól
Beint: Gengið á fund forseta
Helgi Magnús mætir til starfa í dag
Ný ríkisstjórn kynnt á morgun
„Börn heima sem maður myndi vilja hafa í skjóli“
Ók á hóp fólks á jólamarkaði: Einn látinn
„Mér finnst gamla Samfylkingin komin aftur“
Funda með þingflokkum