Stórkostlegur sigur

Íslend­ing­ar lögðu heims- og ólymp­íu­meist­ara Dana að velli í fyrsta leik sín­um á EM karla í hand­knatt­leik í Mal­mö Ar­ena í sænsku borg­inni Mal­mö í dag. Ísland vann 31:30 eft­ir að staðan var jöfn að lokn­um fyrri hálfleik. 

Íslenska landsliðið sýndi frá­bæra frammistöðu fyr­ir fram­an ell­efu þúsund Dani og eitt þúsund Íslend­inga og landaði sigri eft­ir mikla spennu og jafn­an leik. Stærsti sig­ur strákanna okk­ar í ár­araðir er staðreynd.  

Ísland kom hand­bolta­heim­in­um á óvart með þess­um úr­slit­um. Ekki ein­ung­is var Dön­um spáð sigri í þess­um leik held­ur spá flest­ir þeim sigri í mót­inu. 

Staðan var 15:15 að lokn­um fyrri hálfleik. Sókn­in gekk þá geysi­lega vel hjá ís­lenska liðinu og dönsku markverðirn­ir náðu ekki að kom­ast í gang en báðir fengu að spreyta sig. Aron Pálm­ars­son fór á kost­um og skoraði 7 mörk í fyrri hálfleik og átti 5 stoðsend­ing­ar. Þar sem sókn­in var öguð hjá ís­lenska liðinu náðu Dan­ir ekki að skora mörk úr hraðaupp­hlaup­um að neinu ráði. 

Fyrsta kort­erið í síðari hálfleik var vörn ís­lenska liðsins sterk­ari en í fyrri hálfleik og Ísland náði tveggja marka for­skoti. Dan­ir leystu úr því og náðu að opna horn­in hvað eft­ir annað síðasta kort­erið og liðin skipt­ust á að ná for­yst­unni. En Ísland náði þriggja marka for­skoti þegar þrett­án mín­út­ur voru eft­ir 26:23. Þá fundu okk­ar menn að þeir áttu alla mögu­leika á sigri og press­an jókst á heims­meist­ar­ana. 

Á 56. mín­útu var staðan orðin jöfn 29:29. Þá gerði ís­lenska liðið mis­tök í þrem­ur sókn­um í röð sem var úr takti við frá­bær­an sókn­ar­leik í leikn­um. Dan­ir nýttu tæki­færið og Íslend­ing­ur­inn í liði Dana, Hans Óttar, var þá erfiður í hægra horn­inu. 

Klók­indi Al­ex­and­ers og Guðjóns

Þá stal Al­ex­and­er send­ingu og skoraði í opið mark Dana og kom Íslandi aft­ur yfir. Var það einn af vendipunkt­um leiks­ins. Á 59. mín­útu náði Ísland tveggja marka for­skoti. Þá sýndi fyr­irliðinn Guðjón Val­ur leikskiln­ing sinn og leysti inn á línu þegar sókn­in var orðin vand­ræðaleg. Aron Pálm­ars kom auga á það og skilaði línu­send­ing­unni og Guðjón skoraði. 

Engu að síður gátu Dan­ir jafnað í síðustu sókn­inni. Þeir fengu bolt­ann þegar tæp hálf mín­úta var eft­ir. Mikk­el Han­sen og fé­lög­um brást þá kjark­ur­inn og eng­inn tók af skarið. Þeir fengu aukakast eft­ir að leiktím­an­um lauk, Han­sen skaut yfir varn­ar­vegg­inn en Björg­vin Páll varði af ör­yggi og sig­ur­inn var í höfn.

Han­sen átti stór­leik fram­an af en af hon­um dró á lokakafl­an­um. Hann skoraði 9 mörk en 8 þeirra í fyrri hálfleik. 

Aron maður leiks­ins

Aron Pálm­ars­son var val­inn maður leiks­ins og ekki að ástæðulausu. Hann sýndi hvers vegna hann er álit­inn einn sá allra besti í heim­in­um. Hann skoraði 10 mörk. Ekk­ert þeirra úr víti og gaf urm­ul af stoðsend­ing­um eða níu tals­ins. Þar að auki spilaði Aron megnið af leikn­um í vörn­inni. Í dag sást glögg­lega mun­ur­inn á ís­lenska liðinu þegar hann er með eða þegar Aron vant­ar eins og gegn Þýskalandi í vináttu­leikn­um á dög­un­um. 

Björg­vin Páll Gúst­avs­son stóð í mark­inu í cirka 40 mín­út­ur. Varði alls 8 skot. Í fyrri hálfleik fengu Dan­ir mjög mörg góð skot­færi þá var ekki auðvelt fyr­ir Björg­vin í mark­inu. Hann kom aft­ur í markið síðustu tíu mín­út­ur og varði mjög mik­il­vægt skot á 58. mín­útu frá Hans Ótt­ari sem hafði verið ill­viðráðan­leg­ur í síðari hálfleik. Vikt­or Gísli fékk að spreyta sig fyrstu 20 mín­út­urn­ar eða svo í síðari hálfleik og fékk eld­skírn sína á stór­móti A-landsliða. 

Land­in fékk rauða spjaldið

Dönsku markverðirn­ir vörðu ekki nema 7 skot sam­kvæmt mín­um kokka­bók­um eins og Bjarni Fel myndi orða það. Sýn­ir það hversu öguð sókn­in var hjá ís­lenska liðinu og þeir áttu ekki nokkra mögu­leika gegn Aroni Pálm­ars í dag. Lít­il markvarsla gerði það að verk­um að Dan­ir skoruðu fá auðveld mörk eins og áður seg­ir. Einn af vendipunkt­um leiks­ins var þegar Land­in fékk rauða spjaldið á 43. mín­útu fyr­ir að fara út á móti Ólafi Guðmunds sem var í hraðaupp­hlaupi. Ólaf­ur náði að skila bolt­an­um í netið, koma Íslandi yfir og Land­in fékk rauða spjaldið. Mikið stemn­ings­atriði fyr­ir Ísland. 

Kári Kristján lék lengst af á lín­unni. Var hann mjög drjúg­ur því hann fiskaði mörg víti fyr­ir utan mörk­in sem hann skoraði og hjálp­ina sem hann veitti skytt­un­um. Kári og Aron ná mjög vel sam­an á vell­in­um eins og við höf­um áður séð. Al­ex­and­er kem­ur aft­ur inn í landsliðið með lát­um og átti virki­lega góðan leik í vörn og sókn. Guðjón og Arn­ór fengu fá færi þar sem horna­spilið var ekki mikið en gerðu vel þegar færi gafst. Arn­ór náði til dæm­is tví­veg­is í ruðning á Dani. Jan­us Daði var áræðinn á miðjunni í síðari hálfleik og átti nokkr­ar góðar stoðsend­ing­ar.

Ýmir fékk stórt hlut­verk í dag í vörn­inni og sýndi hann er út­sjón­ar­sam­ur og efni­leg­ur varn­ar­maður þótt stund­um hafi verið erfitt að reyna að halda aft­ur af Han­sen og Lauge. Við hlið hans var Elv­ar Örn sem var mjög góður í vörn­inni. Hon­um var refsað fyr­ir vask­lega fram­göngu og fékk rauða spjaldið vegna þriggja tveggja mín­útna brott­vís­ana. 

Sig­ur sem jafn­ast á við sigrana gegn Frökk­um

Ung­verja­land og Rúss­land eru einnig í E-riðlin­um og Ung­verja­land hafði bet­ur 26:25. Ísland og Ung­verja­land eru því með 2 stig í E-riðlin­um að lok­inni fyrstu um­ferð. Tvö lið kom­ast áfram úr riðlin­um. Ísland mæt­ir Rússlandi á mánu­dag og Ung­verjalandi á miðviku­dag. 

Ísland er ekki orðið Evr­ópu­meist­ari. Því miður virk­ar keppn­is­fyr­ir­komu­lagið ekki þannig. Ung­verj­ar og Rúss­ar eru snún­ir and­stæðing­ar en sig­ur­inn í dag gef­ur mikla mögu­leika á því að kom­ast langt í mót­inu. Hafa ber í huga að góð frammistaða á EM gæti skilað Íslandi inn í for­keppn­ina fyr­ir Ólymp­íu­leik­ana. 

Okk­ar menn og hand­bolta­áhuga­fólk get­ur í það minnsta haft það huggu­legt í kvöld og notið þess að Dan­ir voru lagðir að velli á stór­móti í fyrsta skipti síðan 2010. Í ljósi styrk­leika danska liðsins er sig­ur­inn í dag nán­ast á pari við sigrana gegn Frökk­um á HM 2007 og ÓL 2012.  

Dan­mörk	30:31	Ísland	Opna lýs­ingu Loka
60. mín. Leik lokið Ísland sigraði 31:30. Mögnuð tíðindi
Mikkel Hansen - 9 / 3 Hans Óttar Lindberg - 5 Rasmus Lauge - 5 Henrik Möllgaard - 4 Michael Damgaard - 3 Mads Mensah - 2 Magnus Bramming - 1 Magnus Saugstrup - 1 Mörk 10 - Aron Pálmarsson 5 - Alexander Petersson 4 - Kári Kristján Kristjánsson 4 - Guðjón Valur Sigurðsson 2 / 2 - Arnór Þór Gunnarsson 2 / 2 - Bjarki Már Elísson 1 - Janus Daði Smárason 1 - Elvar Örn Jónsson 1 - Ólafur Guðmundsson 1 - Ýmir Örn Gíslason Niklas Landin - 5 / 1 Jannick Green - 2 Varin skot 7 - Björgvin Páll Gústavsson 2 - Viktor Gísli Hallgrímsson 8 Mín Niklas Landin Brottvísanir 10 Mín Elvar Örn Jónsson mín. 60 Leik lokið Ísland sigraði 31:30. Mögnuð tíðindi 60 Björgvin Páll Gústavsson (Ísland) varði skot Varði aukakastið frá Hansen. 30 Textalýsing Bara aukakast Dana eftir. 30 Ísland tapar boltanum Ruðningur 59 30 : 31 - Henrik Möllgaard (Danmörk) skoraði mark 59 29 : 31 - Guðjón Valur Sigurðsson (Ísland) skoraði mark Fyrirliðinn leysti inn á línu og leysti málið. Aron sá hann og skilaði sendingunni. 58 Björgvin Páll Gústavsson (Ísland) varði skot Varði glæsilega frá Hans óttari. 57 29 : 30 - Alexander Petersson (Ísland) skoraði mark Já já já. Alexander stal sendingu frá Hansen og skoraði í opið markið. Danir tóku markvörðinn út af til að vera í yfirtölu í sókninni. 57 Danmörk tapar boltanum 56 Ísland tapar boltanum Þriðja sóknin í röð sem rennur út í sandinn án þess að ná skoti á markið. 55 29 : 29 - Henrik Möllgaard (Danmörk) skoraði mark Úr horninu. Um leið og Ísland gerir mistök í sókninni er forskotið farið. 55 Ísland tapar boltanum 54 28 : 29 - Hans Óttar Lindberg (Danmörk) skoraði mark Íslendingurinn í liði Dana reynist okkur erfiður 53 Ísland tapar boltanum 53 Björgvin Páll Gústavsson (Ísland) varði skot Frá Hansen. Afar mikilvægt. 52 Elvar Örn Jónsson (Ísland) rautt spjald Þrjár brottvísanir og þar af leiðandi rautt. 52 Elvar Örn Jónsson (Ísland) fékk 2 mínútur 52 27 : 29 - Kári Kristján Kristjánsson (Ísland) skoraði mark Af línunni. Kári hélt eitt augnablik að hann væri Róbert Gunnarsson og hendi boltanum aftur fyrir sig í netið. Snilld. 52 Ísland tekur leikhlé Gummi tekur leikhlé. Ísland er marki yfir og með boltann. Möguleikinn á því að ná í bæði stigin er fyrir hendi. 51 27 : 28 - Hans Óttar Lindberg (Danmörk) skoraði mark Danir eru farnir að opna hornin. 51 Jannick Green (Danmörk) varði skot 50 26 : 28 - Henrik Möllgaard (Danmörk) skoraði mark Úr horninu 49 25 : 28 - Bjarki Már Elísson (Ísland) skorar úr víti Tvö mörk frá honum á vítalínunni. Hefur ekki tekið þátt í leiknum að öðru leyti. 49 Kári Kristján Kristjánsson (Ísland) fiskar víti 48 25 : 27 - Hans Óttar Lindberg (Danmörk) skoraði mark Úr horninu 48 Danmörk tekur leikhlé Nikolaj tekur leikhlé. Ísland er þremur mörkum yfir. Nú reynir á heimsmeistarana. Rúmar tíu mínútur eftir og þeir eru í vandræðum. Pressan eykst á þá. Þeir höfðu pottþétt lagt upp með að vera komnir í sæmilega þægilega stöðu á þessum tímapunkti. 48 24 : 27 - Guðjón Valur Sigurðsson (Ísland) skoraði mark Úr horninu. Sending aftur fyrir bak frá Janusi. 47 24 : 26 - Mads Mensah (Danmörk) skoraði mark Svarar strax. 47 23 : 26 - Aron Pálmarsson (Ísland) skoraði mark Janus klippti við Aron sem komst aleinn í gegn. 46 Rene Toft Hansen (Danmörk) á skot í slá 46 23 : 25 - Aron Pálmarsson (Ísland) skoraði mark Bombar í netið fyrir utan. Tveggja marka forskot 45 Viktor Gísli Hallgrímsson (Ísland) varði skot Þessi var mikilvæg. Okkar menn manni færri. 45 Elvar Örn Jónsson (Ísland) fékk 2 mínútur Hans önnur brottvísun 45 23 : 24 - Alexander Petersson (Ísland) skoraði mark Lúmskot skot fyrir utan. 44 23 : 23 - Hans Óttar Lindberg (Danmörk) skoraði mark Úr horninu 43 Niklas Landin (Danmörk) rautt spjald Landin fer í bað! Þetta er að ég held bara eins og reglurnar kveða á um. Úthlaupum markvarða er reynt að halda í skefjum sökum hættu á hættulegum árekstrum og höfuðáverkum. 43 Textalýsing Leikurinn er stöðvaður. Landin fór út úr teignum og lenti hér um bil í árekstri við Ólaf. Nú er möguleg refsing fyrir markvörðinn skoðuð. 43 22 : 23 - Ólafur Guðmundsson (Ísland) skoraði mark Hraðaupphlaup og kemur Íslandi yfir á ný. 43 Danmörk tapar boltanum 42 22 : 22 - Elvar Örn Jónsson (Ísland) skoraði mark Lyfti sér upp á miðjunni. 42 Hans Óttar Lindberg (Danmörk) skýtur framhjá 41 22 : 21 - Alexander Petersson (Ísland) skoraði mark Gegnumbrot 41 22 : 20 - Magnus Saugstrup (Danmörk) skoraði mark Af linunni 41 Aron Pálmarsson (Ísland) skýtur framhjá 40 Danmörk tapar boltanum 40 21 : 20 - Aron Pálmarsson (Ísland) skoraði mark Lyfti sér upp fyrir utan. Var á leið frá markinu en náði að koma boltanum í netið. Minnti á Guðjón Árnason í þessu tilfelli. 39 21 : 19 - Rasmus Lauge (Danmörk) skoraði mark Gegnumbrot 38 20 : 19 - Bjarki Már Elísson (Ísland) skorar úr víti 38 Alexander Petersson (Ísland) fiskar víti 37 20 : 18 - Mikkel Hansen (Danmörk) skorar úr víti 37 Ýmir Örn Gíslason (Ísland) fékk 2 mínútur 37 Danmörk (Danmörk) fiskar víti 37 19 : 18 - Kári Kristján Kristjánsson (Ísland) skoraði mark Af línunni. Kári og Aron ná vel saman eins og oft áður. 36 19 : 17 - Mads Mensah (Danmörk) skoraði mark Hraðaupphlaup. Nú þarf að stöðva blæðinguna 36 Niklas Landin (Danmörk) varði skot 36 18 : 17 - Michael Damgaard (Danmörk) skoraði mark Gegnumbrot. Þriðja mark hans í röð og Danir komnir yfir aftur. 35 Ísland tapar boltanum 35 17 : 17 - Michael Damgaard (Danmörk) skoraði mark Skot af gólfinu. 34 Kári Kristján Kristjánsson (Ísland) skýtur framhjá 34 16 : 17 - Michael Damgaard (Danmörk) skoraði mark 33 15 : 17 - Guðjón Valur Sigurðsson (Ísland) skoraði mark Jáááá. Eldsnöggur að skjóta yfir völlinn og í opið markið 33 Viktor Gísli Hallgrímsson (Ísland) varði skot Ver sitt fyrsta skot á stórmóti A-landsliða. Ekki það síðasta. 32 Textalýsing Viktor kominn í markið. 32 15 : 16 - Kári Kristján Kristjánsson (Ísland) skoraði mark Snýr boltann í netið af línunni 32 Niklas Landin (Danmörk) ver víti Ver frá Arnóri. Vonandi er Landin ekki að komast í stuð. Ísland heldur boltanum 31 Danmörk (Danmörk) fékk 2 mínútur Menn halda Kára ekki svo auðveldlega 31 Kári Kristján Kristjánsson (Ísland) fiskar víti 31 Leikur hafinn Ísland byrjar með boltann 30 Hálfleikur Síðasta sókn Íslands rann út í sandinn og staðan er jöfn 15:15. Íslendingar mjög góðir í sókninni. Agaður sóknarleikur og Aron Pálmars í miklu stuði. Hefur ekki látið nægja að skora 7 mörk heldur er hann með 5 stoðsendingar að auki. Dönsku markverðirnir hafa varið fjögur skot sem eru góð tíðindi. Fyrir vikið hafa Danir ekki skorað að ráði úr hraðaupphlaupum. Björgvin er einnig með fjögur skot varin. Mikkel Hansen og Rasmus Lauge hafa farið mikinn í sókninni hjá Dönum. Hornaspil liðanna er nánast ekkert enn sem komið er og skytturnar sjá um að ljúka sóknunum. Elvar Örn byrjaði á miðjunni og Janus kom einnig inn á. Hvorugur hefur náð að ógna að ráði en aðalatriðið er að sóknirnar eru agaðar. Elvar og Ýmir byrjuðu í miðri vörninni. Aron fékk aðeins að hvíla sig og Ólafur Guðmunds kom inn á. Alexander fékk einnig aðeins að hvíla og Viggó kom inn á. Arnór og Guðjón hafa verið í hornunum allan tímann og Björgvin í markinu. Kári og Ýmir hafa báðir komið við sögu á línunni. 30 15 : 15 - Mikkel Hansen (Danmörk) skoraði mark 29 14 : 15 - Arnór Þór Gunnarsson (Ísland) skorar úr víti "Klobbaði" Landin 29 Elvar Örn Jónsson (Ísland) fiskar víti 29 Danmörk tapar boltanum 29 Niklas Landin (Danmörk) varði skot 29 Niklas Landin (Danmörk) varði skot Ísland heldur boltanum 28 14 : 14 - Mikkel Hansen (Danmörk) skoraði mark Ef Aron skorar þá vill Mikkel Hansen svara fyrir sig. 28 13 : 14 - Aron Pálmarsson (Ísland) skoraði mark Dönsku markverðirnir eiga ekki möguleika gegn honum í dag. 27 Danmörk tapar boltanum Arnór fær ruðning í annað sinn. Er hann að verða sérfræðingur í þessu? 27 13 : 13 - Aron Pálmarsson (Ísland) skoraði mark Undirhandarskot. 26 Danmörk tapar boltanum 26 Alexander Petersson (Ísland) skýtur yfir 25 13 : 12 - Henrik Möllgaard (Danmörk) skoraði mark Hröð sókn 25 Aron Pálmarsson (Ísland) skýtur framhjá 24 Ísland tekur leikhlé Gummi tekur leikhlé 23 12 : 12 - Mikkel Hansen (Danmörk) skoraði mark Skot fyrir utan. Virðist ekkert hafa fyrir þessu 23 11 : 12 - Aron Pálmarsson (Ísland) skoraði mark Gegnumbrot. Ísland yfir í fyrsta sinn í leiknum. 23 Danmörk tapar boltanum Arnór klókur og nældi í ruðning. Dýrmætt. 22 Elvar Örn Jónsson (Ísland) fékk 2 mínútur 22 Björgvin Páll Gústavsson (Ísland) varði skot En Danir halda boltanum 22 Danmörk tekur leikhlé Nikolaj grípur inn í og tekur leikhlé. 22 11 : 11 - Ýmir Örn Gíslason (Ísland) skoraði mark Hraðaupphlaup. Jafnt 11:11 21 Björgvin Páll Gústavsson (Ísland) varði skot 21 Aron Pálmarsson (Ísland) á skot í slá 20 11 : 10 - Janus Daði Smárason (Ísland) skoraði mark Af línunni 20 11 : 9 - Rasmus Lauge (Danmörk) skoraði mark Lauge röltir í gegnum vörnina. 19 Mikkel Hansen (Danmörk) fékk 2 mínútur Alexander náði sjálfum Hansen út af í leiðinni 19 10 : 9 - Alexander Petersson (Ísland) skoraði mark Fast skot. 19 Danmörk (Danmörk) skýtur framhjá 17 10 : 8 - Rasmus Lauge (Danmörk) skoraði mark Þriðja markið hjá Rasmus Lauge 17 9 : 8 - Aron Pálmarsson (Ísland) skoraði mark Frábært skot fyrir utan 16 9 : 7 - Hans Óttar Lindberg (Danmörk) skoraði mark Úr horninu 16 Niklas Landin (Danmörk) varði skot 15 8 : 7 - Mikkel Hansen (Danmörk) skoraði mark Lyfti sér upp fyrir utan 15 7 : 7 - Aron Pálmarsson (Ísland) skoraði mark Fekk að fara inn fyrir punktalínu og negldi tuðrunni í netið 14 Björgvin Páll Gústavsson (Ísland) varði skot 14 Jannick Green (Danmörk) varði skot 13 7 : 6 - Rasmus Lauge (Danmörk) skoraði mark Rasmus Lauge eftir gegnumbrot 13 Ísland tapar boltanum 12 Danmörk tapar boltanum 11 6 : 6 - Guðjón Valur Sigurðsson (Ísland) skoraði mark Hröð sókn 11 Björgvin Páll Gústavsson (Ísland) varði skot 11 Mikkel Hansen (Danmörk) á skot í slá Danir halda boltanum 9 6 : 5 - Aron Pálmarsson (Ísland) skoraði mark Aron byrjar leikinn mjög vel 9 6 : 4 - Magnus Bramming (Danmörk) skoraði mark Af línunni 8 5 : 4 - Aron Pálmarsson (Ísland) skoraði mark Gegnumbrot 8 5 : 3 - Mikkel Hansen (Danmörk) skorar úr víti Fjögur mörk frá Hansen. 7 Danmörk (Danmörk) fiskar víti 6 4 : 3 - Alexander Petersson (Ísland) skoraði mark Gegnumbrot. 6 4 : 2 - Mikkel Hansen (Danmörk) skoraði mark Skot af gólfinu. 5 3 : 2 - Kári Kristján Kristjánsson (Ísland) skoraði mark Af línunni eftir snilldarsendingu frá Aroni. 5 Danmörk (Danmörk) fékk 2 mínútur Kári byrjaður að valda Dönum vandræðum. 4 3 : 1 - Mikkel Hansen (Danmörk) skorar úr víti 3 Danmörk (Danmörk) fiskar víti 3 2 : 1 - Arnór Þór Gunnarsson (Ísland) skorar úr víti 3 Ísland (Ísland) fiskar víti 2 2 : 0 - Rasmus Lauge (Danmörk) skoraði mark Rasmus Lauge skoraði. 2 Elvar Örn Jónsson (Ísland) á skot í stöng 1 1 : 0 - Mikkel Hansen (Danmörk) skoraði mark Skot fyrir utan 1 Leikur hafinn Danir byrja með boltann. Elvar og Ýmir byrja í miðri vörninni. 0 Textalýsing Nú styttist í að leikurinn hefjist. Leikmenn liðanna eru komnir út á völl en eiga eftir að hlýða á þjóðsöngvana áður en ballið byrjar. 0 Textalýsing Dómarar leiksins koma frá Svartfjallalandi. Ivan Pavicevic og Milos Raznatovic. 0 Textalýsing Ísland og Danmörk mættust síðast á stórmóti á HM í Katar árið 2015. Danir höfðu betur 30:25. Síðasti sigur Íslands gegn Danmörku á stórmóti kom á EM í Austurríki 2010. 0 Textalýsing Holland vann Lettland í Noregi í dag 32:24. Erlingur Richardsson að gera fína hluti með hollenska liðið sem fagnaði sínum fyrsta sigri í lokakeppni EM karla frá upphafi. 0 Textalýsing Fróðlegt verður að sjá hvort Mikkel Hansen, þekktasti leikmaður Dana og samherji Guðjóns hjá PSG, sé í sínu besta formi. Hann missti nokkuð úr á þessu keppnistímabili vegna höfuðáverka. 0 Textalýsing Tvö lið komast áfram úr riðlinum. Danirnir þykja langlíklegastir til að ná efsta sætinu en fyrir fram er talið að lið Íslands, Ungverjalands og Rússlands séu nokkuð jöfn að styrkleika. 0 Textalýsing Fyrri leiknum í riðli Íslands lauk með naumum sigri Ungverja 26:25 gegn Rússum. 0 Textalýsing Leikurinn fer fram í Malmö Arena í Malmö. Glæsilegt mannvirki sem er heimavöllur íshokkíliðsins í borginni og tekur um 13 þúsund áhorfendur á íþróttaleikjum. Þar lék Ísland um 5. sæti á HM 2011. Tapaði þá fyrir Króatíu 33:34. Guðmundur var þá einnig þjálfari Íslands og fimm leikmenn sem nú eru í hópnum voru á skýrslu í þeim leik: Björgvin Páll, Guðjón Valur, Aron Pálmars, Alexander og Kári. 0 Textalýsing Danir eru núverandi heims-og ólympíumeistarar. Unnu til gullverðlauna á ÓL í Ríó 2016 undir stjórn Guðmundar Þ. Guðmundssonar landsliðsþjálfara Íslands. Í fyrra urðu Danir heimseistarar á heimavelli. Ísland hafnaði í 11. sæti á HM í fyrra. 0 Textalýsing Er þetta fyrsti leikur liðanna á EM 2020. 0 Textalýsing Danmörk og Ísland mætast í seinni leik fyrstu umferðarinnar í E-riðli Evrópumóts karla í Malmö klukkan 17.15. Sjá meira Sjá allt Dómarar: Ivan Pavicevic og Milos Raznatovic, Svartfjallalandi Gangur leiksins: 3:2, 8:7, 11:10, 13:12, 30:31, 17:17, 21:20, 23:24, 26:28, 29:29, 30:31. Lýsandi: Kristján Jónsson Völlur: Malmö Arena Áhorfendafjöldi: 10.593 Danmörk: Niklas Landin (M), Jannick Green (M). Niclas Kirkelökke, Magnus Bramming, Rasmus Lauge, Anders Zachariassen, Magnus Saugstrup, Hans Óttar Lindberg, Rene Toft Hansen, Henrik Möllgaard, Mads Mensah, Mikkel Hansen, Michael Damgaard, Lasse Andersson, Jacob Holm. Ísland: Viktor Gísli Hallgrímsson (M), Björgvin Páll Gústavsson (M). Kári Kristján Kristjánsson, Aron Pálmarsson, Bjarki Már Elísson, Guðjón Valur Sigurðsson, Ýmir Örn Gíslason, Ólafur Guðmundsson, Alexander Petersson, Arnór Þór Gunnarsson, Arnar Freyr Arnarsson, Sigvaldi Björn Guðjónsson, Haukur Þrastarson, Elvar Örn Jónsson, Viggó Kristjánsson, Janus Daði Smárason.

• 1 blogg um frétt­ina

Bloggað um frétt­ina

• Ómar Ragn­ars­son: Leit­un að betra sjón­varps­efni en þessu.