Danir lágu fyrir Hollendingum

Hollendingar fögnuðu 2:0 sigri gegn Dönum í fyrsta leik E-riðilsins á heimsmeistaramótinu en leikið var á Soccer City Stadium í Jóhannesarborg. Staðan var markalaus eftir fyrri hálfleikinn en eftir nokkrar sekúndur í seinni háfleik skoraði Simon Poulsen sjálfsmark og Dirk Kuyt innsiglaði sigur hollenska liðsins á lokamínútunum.

Hollendingar eru þar með ósigraðir í 20 leikjum í röð. Þeir komust þó aldrei á neitt flug og eiga mikið inni en Hollendingum er spáð velgengni á mótinu. Danir vörðust vel í fyrri hálfleik og áttu nokkrar snarpar skyndisóknir en sjálfsmarkið sem Poulsen skoraði í byrjun seinni hálfleiks sló danska liðið talsvert út af laginu sem náði ekki að ógna marki Hollendinga að neinu ráði í seinni hálfleik.

Lið Hollands: Stekelenburg - Der Wiel, Heitinga, Mathijsen, Bronckhorst, Bommel, Kuyt, De Jong, van Persie, Sneijder, van der Vaart.
Varamenn: Robben, Boulahrouz, Ooijer, De Zeeuw, Vorm, Elia, Babel, Afellay, Huntelaar, Boscker.

 Lið Danmerkur: Sörensen -  Poulsen, Kjær, Agger, Jacobsen, Jörgenen, Bendtner, Kahlenberg, S.Poulsen, Rommendahl, Enevoldsen.
Varamenn: Kvist, Jensen, Grönkjær, Kröldrup, J.Poulsen, Andersen, Beckmann, Larsen, Eriksen, Christiansen, Mtiliga.

Dirk Kuyt fagnar marki sínu. Reuters

Holland	2:0	Danmörk	Opna lýsingu Loka
90. mín. Leik lokið Sanngjarn sigur Hollendinga þó svo enginn glæsibragur hafi verið á honum. Hollendingar eiga miklu meira inni. Danir áttu ágætan fyrri hálfleik en náðu sér ekki á strik í þeim síðari.
Augnablik — sæki gögn...

• 2 blogg um fréttina

Bloggað um fréttina

• Torfi Kristján Stefánsson: Fáránlegt að sýna ekki leikinn beint!
• Davíð Þ. Löve: Aulaskapur RUV!