Íþróttir | HM í fótbolta | mbl | 25.6.2010 | 20:24

Spánn og Chile fóru bæði áfram

David Villa fagnar eftir að hafa komið Spánverjum yfir í kvöld. Reuters

Spánn sigraði Chile 2:1 í lokaumferð H-riðils heimsmeistarakeppni karla í fótbolta í kvöld, en bæði lið fóru áfram í 16-liða úrslit. Fylgst var með gangi mála hér á mbl.is.

David Villa kom Spánverjum yfir um miðjan fyrri hálfleik eftir mistök markvarðar Chile. Skot Villa var af um það bil 35 metra færi frá hliðarlínunni, með vinstri. Andres Iniesta bætti við öðru marki eftir flott spil Spánverja.

Millar minnkaði muninn strax í upphafi síðari hálfleiks með skoti utan teigs sem átti viðkomu í varnarmanni.

Bæði lið fara engu að síður áfram í 16 liða úrslit þar sem leik Sviss og Hondúras lyktaði með 0:0 jafntefli. Bæði lið mæta nágrönnum sínum, en Spánn mætir Portúgal og Chile Brasílíu í næstu umferð.

Lið Chile: Bravo - Poncé, Isla, Sánchez, Vidal, Valdivia, González, Estrada, Beusejour, Medel, Jara.
Varamenn: Fuentes, Contreras, Suazo, Pinto, Orellana, Fierro, Millar, Tello, Paredes, Marín.
Í leikbanni: Carmona og Fernández.

Lið Spánar: Casillas - Ramos, Puyol, Piqué, Capdevila - Alonso, Xavi, Sergio - Villa, Torres, Iniesta.
Varamenn: Albiol, Marchena, Fabregas, Valdés, Mata, Arbeloa, Pedro, Llorente, Martínez, Silva, Navas, Reina.

Chile

1:2

Spánn

Loka

Rodrigo Millar (47. mín.)	Mörk	David Villa (24. mín.) Andrés Iniesta (37. mín.)
Gary Medel (15. mín.) Alexis Sánchez (19. mín.) Marco Estrada (21. mín.) Marco Estrada (38. mín.)	Spjöld

mín.

93		Leik lokið Spánverjar komnir áfram í 16 liða úrslit og Chile líka.
91		Spánverjar hafa gjörsamlega svæft leikinn síðustu 10 mínúturnar...
90		Sergio Ramos með sendingu inn í teiginn en enginn hitti boltann. Skipting á leiðinni hjá Spánverjum. Þeir færast nær 16 liða úrslitum.
80		Chilemenn alls ekki hættir að sækja þrátt fyrir að vera einum færri. Virkilega skemmtilegt lið.
77		Fabian Orellana (Chile) á skalla í stöng Annað hvort ömurlegt skot eða léleg fyrirgjöf.
76		Andrés Iniesta (Spánn) á skot framhjá
76		Esteban Paredes (Chile) á skot framhjá
75		Gott spil hjá Spánverjum upp völlinn en boltinn hafnar í höndum Bravo. Liðsmunarins gætir.
73		Javier Martínez (Spánn) kemur inn á
73		Xabi Alonso (Spánn) fer af velli
71		Sergio Ramos skeiðaði upp allan völlinn með boltann en var stiginn út af varnarmönnum Chile.
65		Alexis Sánchez (Chile) kemur inn á
65		Fabian Orellana (Chile) fer af velli
64		Spánn fær hornspyrnu
64		Pressan er á Chile sem stendur, sókn Spánverja er þung.
63		Xavi vippar boltanum inn í teig til Villa sem fellur við eftir viðskipti við varnarmann Chile. Ekkert dæmt.
61		Góð sending inn í teiginn frá Ramos inn á Villa, sem reyndi þó einhverja hælsendingu sem virkaði ekki.
60		Dómarinn hefur flautað fullmikið í kvöld, leikurinn fær ekki að fljóta nægilega vel.
55		Cesc Fabregas (Spánn) kemur inn á
55		Fernando Torres (Spánn) fer af velli
52		David Villa (Spánn) á skot sem er varið
50		Það góða við þetta mark Chilemanna eru að núna geta Spánverjar ekki lengur boðið upp á sjálfstýringu í 45 mínútur, þeir þurfa að skora til að vera öruggir.
47		MARK! Rodrigo Millar (Chile) skorar Skaut utan teigs og boltinn fór af varnarmanni. Casillas átti ekki möguleika.
46		Xabi Alonso, sem haltraði af velli í fyrri hálfleik, er ennþá inn á.
46		Jæja, þetta er komið af stað aftur.
45		Hálfleikur Spánverjar í þægilegri forystu einum fleiri.
45		Xabi Alonso haltrar af velli eftir harkalega tæklingu. Áhyggjuefni fyrir Spánverja..
45		Dómarinn bætir tveimur mínútum við fyrri hálfleikinn.
42		Af endursýningum af dæma virðist brottrekstur Estrada vera nokkuð harður dómur.
39		Chile-menn einum færri og um það bil klukkutími eftir af leiknum. Kannski Spánverjar nýti tækifærið og slái upp í markaveislu til að bæta upp fyrir vonbrigðin á móti Sviss.
38		Marco Estrada (Chile) fær rautt spjald Fékk sitt annað gula spjald. Braut á Torres í aðdragana annars mark Spánverja.
37		MARK! Andrés Iniesta (Spánn) skorar
36		Færa mætti rök fyrir að Spánverjar hefðu átt að fá vítaspyrnu þarna. Varnarmaður Chile keyrði inn í Torres.
34		Jean Beausejour (Chile) á skot framhjá Þarna mátti ekki miklu muna. Chile fór í skyndisókn eftir hornspyrnu Spánverja og skot Beausejour lak framhjá markinu.
34		Gerard Piqué (Spánn) á skalla sem fer framhjá Náði ekki að stýra boltanum að marki.
34		Spánn fær hornspyrnu
30		Chile fær hornspyrnu
28		Villa tók aukaspyrnu fyrir utan teig Chile og þrumaði boltanum langt, langt yfir mark Chile.
24		MARK! David Villa (Spánn) skorar Markvörður Chile kom langt út til að tækla boltann frá Torres. Villa náði boltanum um miðjan vallarhelming og skaut í markið. Mjög athyglisvert mark.
23		Chile fær aukaspyrnu á hættulegum stað...
23		David Villa átti sendingu fyrir sem Bravo greip auðveldlega.
21		Marco Estrada (Chile) fær gult spjald Fyrir harkalega tæklingu. Hvað eru Chile-mennirnir að spá? Þeir eru öruggir áfram og safna gulum spjöldum þessa stundina.
19		Alexis Sánchez (Chile) fær gult spjald Verður í banni í næsta leik.
15		Gary Medel (Chile) fær gult spjald
14		Alexis Sánchez (Chile) á skot sem er varið Lúmskt skot sem Casillas þurfti að slá í horn.
12		Marco Estrada (Chile) á skot sem er varið Hörkuskot af 20 m færi en Casillas ver örugglega í markhorninu niðri.
10		Mark Gonzalez (Chile) á skot framhjá Skaut yfir eftir flotta sókn Chilemanna og sendingu frá endamörkum hægra megin.
7		Þung pressa í vítateig Chile eftir aukaspyrnu en varnarmaður kemst fyrir skot frá Gerard Piqué.
5		Spánn fær hornspyrnu Varnarmaður bjargaði naumlega þegar Torres var sloppinn inní vítateiginn.
4		Fernando Torres (Spánn) á skalla sem fer framhjá eftir aukaspyrnu.
1		Leikur hafinn
0		Chile er með 6 stig, Spánn 3, Sviss 3 og Hondúras 0. Markatala getur hæglega ráðið úrslitum en Chile er með 2:0, Spánn 2:1, Sviss 1:1 og Hondúras 0:3. Spánn kemst alltaf áfram með sigri á Chile og þá gæti Sviss nægt að vinna Hondúras til að fara áfram. En hvert einasta mark í lokaumferðinni mun vega afar þungt. Hondúras á líka veika von um að fara áfram með sigri, ef Chile vinnur Spán.
0		Spánverjar eru með gífurlega öflugan leikmannahóp þar sem 20 leikmenn spila í spænsku 1. deildinni og hinir þrír í ensku úrvalsdeildinni. Það eru Pepe Reina og Fernando Torres hjá Liverpool og Cesc Fabregas hjá Arsenal. Barcelona á 8 leikmenn í liðinu, m.a. Xavi, Iniesta, Puyol og David Villa, sem er nýkominn í raðir liðsins. Real Madrid á 5 leikmenn, m.a. þann leikjahæsta, markvörðinn Iker Casillas, sem hefur spilað 106 landsleiki.
0		Evrópumeistarar Spánverja eru komnir á HM í 13. skipti af 19. Þeir hafa verið með samfleytt frá 1978 og eru því mættir á HM í níunda skiptið í röð. Þeir féllu út í 16-liða úrslitum 2006 og hafa aðeins einu sinni komist í undanúrslitin. Það var í Brasilíu 1950 þegar þeir enduðu í fjórða sæti.
0		Sex af leikmönnum Chile spila með liðum í heimalandinu. Þrettán leika með evrópskum liðum, þrír þeirra á Spáni og þrir á Ítalíu. Sá eini sem leikur í Englandi er Gonzalo Jara, leikmaður WBA. Humberto Suazo, leikmaður Zaragoza á Spáni, er markahæstur Chilebúa með 18 mörk fyrir landsliðið og Alexis Sánchez hjá Udinese á Ítalíu hefur gert 12 mörk.
0		Chile leikur í 7. skipti á HM en liðið spilaði áður 1930, 1950, 1962, 1966, 1974, 1982 og 1998. Besti árangur er 1962, þegar HM fór fram í Chile, en þá hreppti liðið bronsverðlaun. Chile komst í 16-liða úrslit 1998 en hefur annars fallið út í fyrstu umferð.