Ronaldo tekur mikla áhættu ef hann spilar

Cristiano Ronaldo er sagður tilbúinn til að hunsa ráðleggingar lækna og spila þrátt fyrir meiðsli.

Ronaldo hefur verið að glíma við meiðsli í hné sem hann varð fyrir á æfingu og honum hefur verið tjáð að ef hann spilar næsta leik þá geti það þýtt að hann spili ekki meira í keppninni og taki um leið áhættu með sinn feril.

Portúgalar töpuðu illa fyrir Þjóðverjum í fyrsta leik sínum á HM og Ronaldo vill því ólmur taka þátt í leiknum á móti Bandaríkjamönnum á sunnudaginn en tap í þeim leik myndi þýða að Portúgalar væru úr leik í keppninni.

Fjölmiðlar greina frá því í dag að einkalæknir Ronaldo hafi tjáð honum að hann eigi á hættu að spila aldrei fótbolta framar ef hann reyni að spila með hnéð svona á sig komið.

• 2 blogg um fréttina

Bloggað um fréttina

• Jens Guð: Þess vegna lifa karlar skemur en konur
• Ómar Ragnarsson: Samúð með "sárhnjáðum" Ronaldo.