Karabatic: Veljum okkur ekki mótherja

Frakk­inn Ni­kola Kara­batic, sem af mörg­um er tal­inn besti hand­boltamaður heims, seg­ir að Frakk­ar hugsi ekki þannig að þeir ætli að velja sér mót­herja í undanúr­slit­um á heims­meist­ara­mót­inu.

Frakk­ar mæta Íslend­ing­um í loka­leik dags­ins í mill­iriðli HM í Jön­k­öp­ing. Leik­ur­inn hefst klukk­an 19.45 að ís­lensk­um tíma en hálf­tíma áður verður flautað til leiks í viður­eign Dana og Svía en Frakk­ar mæta ann­arri hvorri þjóðinni í undanúr­slit­um.

Landsliðsmenn Svía og Dana eru óhress­ir með að leik­ur Íslands og Frakk­lands hefj­ist síðar en viður­eign Dana og Svía. Með því geti Frakk­ar valið sér mót­herja í undanúr­slit­um og tapað  vilj­andi fyr­ir Íslandi ef svo ber und­ir.

,,Við mæt­um í leik­inn við Ísland með því hug­ar­fari að vinna. Við mun­um ekki velja okk­ur mót­herja. Ég trúi að slíkt boði ógæfu. Dan­mörk og Svíþjóð hafa á sterk­um liðum að skipa svo það skipt­ir í raun ekki máli fyr­ir okk­ur hvor þjóðinni við mæt­um,“ sagði Kara­batic við norsku sjón­varps­stöðina TV2 eft­ir sig­ur Frakka gegn Norðmönn­um í gær en með hon­um tryggði Frakk­ar sér far­seðil­inn í undanúr­slit­in.

• 1 blogg um frétt­ina

Bloggað um frétt­ina

• Gísli Foster Hjart­ar­son: Skyn­sam­ur pilt­ur